مساء الخير ..
مساء النور
حبيت استفسر عن الجزيرة الخضراء وجزيرة فيلكا ؟؟
هل تستاهل الزيارة وايهما افضل ؟؟
الجزيره الخضرا جزيره صناعيه واهي على شارع الخليج فيها اعتقد قوارب القاري اذا ما شالوهم ، فيلجا تستاهل زياره يوم واحد وترجعون والافضل فيلجا بس الحين الجو حييل متقلب يعني لازم تتأكدون من الجو قبل ماتروحون..
وايهم افضل شاطئ المسيلة ام شاطئ الشويخ ؟؟
اذا كان قصدكم كسباحه المسيله لا مخصص للحريم.. اما اذا قعده على البحر الشويخ افضل وحتى للسباحه شاطئ عام ..
واحنا حابين نروج منتزة واحد فأيهم الاحسن المدينة الترفيهيه ام حديقة الشعب ؟؟
انا افضل الترفيهيه العابها اكثثر واكبر ..
وايش الفرق بين نادي الشعب ونادي راس الارض ؟؟ وهل يوجد فيهم اشياء للسياح حلوة ؟؟
ما انصح فيهم مافيهم شي واغلبيه المقمين يروحون لهم ..
و وين نحصل اللانشات والسفن اذا نبي نركبها ؟؟
اذا تبون لنجات خشبيه من سوق شرق في اهناك واذا طراريد من عند مطعم مركز السلطان اللي على البحر وعلى حسب جم ساعه تبون وهذا سايت ان شاء الله يفيدكم..
http://www.silsan.net/new/indexa.htm
ومع جزيل الشكر .. وسوري على الازعاج
العفو وحياكم الله في ديرتكم ومامن ازعااج افا عليكم

الاخ ما قصر بالشرح
لكن عندي تعليق بسيط
انة كل الاماكن الي ذكرتها قريبة جدا جنب بعض يعني تقدر تزورها كلها ..مثلا الترفيهية و الشعب .. بدون خيار زورهم اثنينهم

bayan501
الف شكر اخوي وماقصرت ,