الله يهديك شنو الوجه كامل مغطى
ناوي يسون لك بنر عريض في مجله خليجي في النمسا زوجته تمشي كنها حلاوه خ
شوف خلها على النقب يكون افضل لأن كثير من الخليجيات شفته بالنمسا منقبات ولاحد عليه منهم يعني الوضع طبيعي

شورك وهدايه الله .........

هناك نقاب اسلامي رائع يسمى ( أراك ولاتراني ) أرى انه مناسب

والله أنا لي رأي بهالخصوص.. ليه تسبب لنفسك مضايقات وإحراجات وين مارحت.. ترا الدين يسر وأنا أخوك تقدر تخليها تلبس عباءه ملونه وإلا كاب وتتحجب من دون زينه او تتنقب.. حتى كذا ماراح تسلم لكن في خطوط حمراء الواحد مايتخطاها..
مانسى روحتنها قبل سنوات لتركيا وأصرت احد قريباتنا بعدم تغيير عباءتها ونقابها والله إن الناس تمشي وتصور فينا وطفل شافنا بالاصنصير قام يصيح احسه يقول وش هالبع بع اللي داخل معانا ههه ترا والله السالفه جد اقسم بالله لاعت كبودنا صرنا مانشتهي نطلع والسبه هي ههه

ودك يوم الطفل صاح انها قالت له هم هم هم خله يمرج عقله

ربي يوفقك
بالنسبة لي جربت السفر لاهلي بالعباءة السوداء والنقاب والامور ما تخرج من نطاق الاستغراب وخصوصاً الاطقال .. يحسبونها تستهبل ... انت ما خالفت النظام ( استثني الدول اللي منعت النقاب) بس النمسا وسويسرا ما عندك مشكله ... خل احد يضايقك بسبب النقاب وارفع عليه قضية كاسبها كاسبها واطلب تعويض مادي ورد خساير السفرة(امزح طبعاً) بس النظام بصفك مو بصفهم

ابتسم للحياة
ههه ههه

محمد بن شامان
من جدك انت ؟ الواحد يروح يستانس وإلا يروح يتهاوش مع خل الله شرطه ومحاكم وقضايا والله إنك طويل بال
بالتوفيق في قضيتك

لايهمك وانا اخوك لانظراتهم ولا بزارينهم سو الي يمليه عليك دينك وضميرك انت طالع تغير جو
وتتمشى ماطلعت تغير عاداتك لايهمك احد سو الي يعجبك ويعجب زوجك (والله موجود بكل مكان)
ولا تهتم بالناس وتجعل الله اهون الناظرين اليك والله يثبتنا ويسهل عليك
قلبتهامحاضره