سفركم الله بالخير ورجعكم الله بالسلامه يا طويلين الأعمار
لما رأيت خبرتكم المهيب صاحية في السفر والسياحة قلت لنفسي عيب ما اسأل السؤال هذا لأصحاب الخبرة المديدة في هالمجال
..
اخوكم هاللي يكتب الموضوع بكل صراحة متناهية طفسه او خلنا نقول ماعنده ما عند جدته في حكاية السفر لأوربا
..
عندي اجازتين معتمدات خالصات بس يبيلهم رحله تحليهم
إجازتي الأولى من اذان فجر يوم 3/8/2008 حتى صلاة عشاء يوم 20/8/2008
اجازتي الثانية من 2/11/2008 حتى 20/11/2008
المطلوب لا هنتم ولا هان من تحبونه
أي من هالإجازتين انسب للسفر لأوروبا؟؟ من حيث التكلفة والسياحة بشكل عام؟؟
ولو الرحلة رحلتكم وشلون راح تقسمونها لو قلنا انا نبي نزور 4 دول تبدأ من النمسا وتنتهي في المانيا ويكون الجزء الأكبر منها سويسري بحت
ابي أي معلومه عن الميزانيه مع ملاحظة انه ماهناك صرف واجد ولا صرف قليل يعني هالله هالله عالوسط والوسط هالله هالله عليه
الرحله رحلتكم تفننوا فيها .... واعلموا تمام العلم اني ابمشي على اللي تقولونه علشان كذا لا توهقوني
..
الف شكر على هالثواني اللي عطيتوني اياها وانتوا تقرون هالموضوع
واكرر واقول الله لايهينكم