1. بسم لله الرحمن الرحيم


2. السلام عليكم جميعا


3. طبعا عقب بالي ابروح لم جاكرتا ومنها على طول للجبل السؤال هنا يقول :

بسم لله الرحمن الرحيم

السلام عليكم جميعا

انا اذا ربي ارد ابروح لم العمة نقول ان شاء الله مدة الرحلة 15 يوم ان شاء الله ومخطط اني اروح لم ثلاث ديار الي هي بالي والجبل وجاكرتا طبعا اول ما اوصل لمطار جاكرتا على طول حجزة على طيران اير اسيا لبالي وعقب ابرجع لجاكرتا وعلى طول من المطار للجبل ثمن اخر محطة جاكرتا بحكم اني اول مره اهمل لم ذيك الديار عندي كم سؤال باللهي عليكم الي يعرف يفزع معي ترى والله اصير ادعي له كثير مره ونقول بسم لله
الرحلة مكونه مني انا يا محاتسيكم ورزوجتي طبعا تاريخ السفره في يوم الجمعة ان شاء الله 3 اكتوبر والوصول يوم السبت 4 اكتوبر لجاكرتا ثمن على طول ابمشي لبالي ابجلس الى الخميس ان شاء الله يعني اربع ايام وخمس ليالي السؤال هنا :
وش احسن محل للسكن في بالي ليت روابط للفنادق ابي يكون جنب المحلات الي فيها حركة واسواق يعني المنطقة الحيوية مثل لما نقول شاطي البانتونق بيتش في بوكيت في تايلند هو المنطقة الحيوي وهل فيه شي مميز في بالي ينصح بزيارته يعني مميز ولا بد ان الواحد يزوره ووش تنصحون في خلال الاربع ايام وين اروح ووين اجي (( عارف اني مسوي زحمة بس وش اسوي ارحمو عزيز قوم ذل )

طبعا عقب بالي ابروح لم جاكرتا ومنها على طول للجبل السؤال هنا يقول :

ابي المنطقة الحيوية الي فيها البقالات والحركة في الجبل يعني ابي اسماء فنادق حلوة طبعا ابجلس في الجبل اربع ايام من يوم الخميس الى يوم الاثنين ابروح لجاكرتا ووش تنصحوني ازور في الجبل يعني شي مميز ولا يتفوت يعني من الي قريت فيه السفاري والشلالات ووش غيره وهل تنصحون بمحلات ثانية ازورها يعني ما تتفوت والا السفاري والشلالات هي الي تنزار وباقي الايام تمشية وبالنسبه للسفاري يوم واحد يكفيها الظاهر ويوم ثاني للشلالات صح والا لا (( خابر اني دبلت تسبودكم بس يا حيل الله يا قوته ))
يوم الاثنين ابرجع لجاكرتا وابجلس من الاثنين لى الجمعة رحلتي الجمعة في الليل يعني يوم الجمعة ضايع تقريبا وش المنطقة في جاكرتا الي ينسكن فيها بحيث تكون الفنادق الموصى بها جنب الاسواق الي تبيع ماركات مقلده درجة اولى واذا ما فيها كلافة تذكرون اسماء فنادق والروابط لها وهل فيه اشياء مميزه في جاكرتا تستحق الزياة والا جاكرتا للتسوق بس (( لو تبوني احلف ان بعض الاعضاء يقولون يا اخيي انطق قي ديرك ابرك لك غثيتنا بس وش اسوي ودي على شان بعدين اذا سولفو الناس عن ها الديره ولاني اعرف وشهم يسوالفون عنه ))
بانسبه للمدة الي ابحلس فيها في بالي والجبل وجاكرتا هل توزيعني كويس والا يبي من يعدل فيه اذا يبي تعديل قولو لي ترى اتقبل الراي والراي الاخر
بالنسبه للفنادق تنصحون احجز بالنت قبل ما اروح والا احجز من مطار جاكرتا والا وش الراي واذا بالنت وش افضل موقع بوكينق والا موقع اسمه الظاهر زوم اسيا
وش بعد بس قضيت طبعا ابراء للذمة انا قايلن لكم من اول اني ابسوي قلق لا تقولون ما قلتا لنا ووالله العظيم اني ارحم يعني ساعدوني اعانكم الله على طاعته وحسن عبادته
الى اللقاء