أخوي رقمهم 227300 - 227400
وخبري فيهم من 3 سنوات أفضل الموجودات للقص والصبغه نيهاد ونيره
والأسعار للصبغه تبدأ من 300 و الهاي لايت 700 وطالع على حسب طول الشعر
وبالنسبه لدوامهم أتوقع من 9 إلى 9 وإذا بتروحون الصباح مايحتاج حجز
الله ييسر أموركم إن شاء الله

فجر الايمان
يطولي بعمرك
كلمت الفليبينية اليوم الصباح الساعة 10 وكنا ناوين نمشي للبحرين عشان نوصل هناك العصر حيث أن أوقات الدوام من 9 أعتقد الصباح لين 1 الظهر ومن ثم يسكر ويفتح 3 العصر ويسكر 8 الليل .
الصدمة :
قالت لنا الفلبينية نهاد بتجلس لين 11 الظهر وبعدين بتطلع والعصر ما راح تجي عندها الظاهر عرس
وماعندهم حجز أبد ,,, بصراحة المدام طنقرت علي :112:
وانا مالي لا ناقة ولا جمل
بس وش أسم الثانيه ؟ نيرة ؟؟ فلبينية ؟؟
وهل لو راحت لغير نهاد بتستفيد ؟ يعني شغلهم عدل ؟؟

نيره لبنانيه وشغلها حلو مثل نيهاد

غامرنا اليوم الجمعة
ورحنا للبحرين .... وسألنا عن نيرة قالوا موجودة وهالكلام وانا بالخبر الساعه 11 الظهر
وأشغل الموتر وأطير للبحرين للرجنسي دخلت مع المدام الساعه 12 الظهر شفنا لبنانية شكلها جديدة (أسمها مريان )
سألنها عن نيرة قالت مشغولة ,,, عاد قلنا طيب في أمكانية صبغ + قصة قالت أحنا نسكر 1 الظهر
عاد قالت بشوف ,, رحت في لوبي الرجنسي شربت كابتشينو وبعده كابتشينو وبعده كابتشينو لين أنفجرت من الملل حيث أني نسيت وما جبت الاب توب معاي .
مر الوقت والحمد لله خلصت المدام والمسكينة اللبنانية خلص دوامها وأجلست مع المدام لين 1 و25 دقيقة
الحساب = 520 ريال

تستاهل المدام اللوك الجديد بس المهم انه طلع حلو والا لالا اذا حلو افكر اروح اصبغ عند ميريان
تقبل مروري

اللون حلو بس القصة مدري ........

ممنوع دخول الرجاال ولاا عادي