اسواق السيارات فرص كيف ؟
اولا : انت بتشتري من معرض يعني اغلى من قيمة السيارات المعروضه من اصحابها في السوق وهي فرص وحظ ممكن تدخل السوق يوم من الايام وتلقى سيارة نظيفة وصاحبها قاعد يدور بها في الحراج وممكن تتفاوض معه .
ثانيا: اصحاب المعارض اذا عرفوا انك سعودي اكيد بيتشددون في السعر .
رابعاً : ما فيه شي اسمه مضمون عند اهل المعارض ( لان السيارات مستعملة ، ممكن هذا الضمان للتسويق) وحتى لو فيه ضمان يكون صيانة فقط عند الورشة الي عندهم ، يعني هو وسيط بين البائع والمشتري هذا في الغالب.
خامساً : لن تجد فرق كبير بين اسعار السيارات في السعودية عنها في الامارات هذا كان بالسابق قبل 10 سنوات فيه فرق الحين فرق حدود (3) الف ريال الى (5) الف ريال لكن المقصد ان السيارات عندهم غير مكروفه في السعودية ما شاء الله قارة ، وعندنا ناس تمشي يمكن في اليوم 40 كيلو .
سادساً : اذا اقتنعت بان الفرق يكون بشراء سياراه مستعملة نظيفه عليك تشوف سوق الدوحة لكن اكيد ان المعروض في الامارات اكثر ، لكن زي ما قلت لك حظوط ، لكن بتشوف سيارات انظف من السعودية بكثير

وعليكم السلام
مجمع معارض السيارات المستعملة - معارض السيارات في العوير
وهذا موقعهم
http://www.usedcars.ae/Arabic/Showrooms/
بتحصل مجمعين
المجمع الاول : السيارات الخليجيه والامريكيه
المجمع الثاني: السيارات الواردة من اليابان ,سكان يمين ورخيصه (بس ما تسجل في دبي)
في المجمع الاول محطة بترول ايبكو ,عندهم قسم لفحص المركبات
افحصها قبل لا تشتريها
وبالتوفيق ان شاء الله

اخواني الديرمه و altamimi82 عز الله انكم ما قصرتوا ومشكورين ومثل ما قلت يالديرمه انها شغلة حظوظ ولاكن ان شاء الله اخوك ذيب ويعرف من اين تاكل الكتف بس صراحه اول مره اسمع من احد يقول لي شوف سوق الدوحه غريبه وبعدين وش جاب الدوحه لدبي مثل ألي يشبه القمر بالنجم اما بالنسبه للاسعار صحيح انها وحده ويمكن اسعاركم اغلى شئ بسيط لاكن يا خوي لا تنسى المواصفات ألي في السياره الاماراتيه غير السعوديه كلش فرق بين السما والارض مواصفات السيارات الاماراتيه في الحراج لا تحصلها في الوكالات السعوديه امحق وكالات كلهم سرق وانا دام اني بدفع من جيبي من حقي ان اشتري شئ كامل والكامل وجه الله مو مثل اصحاب الوكالات عندنا يلعبون بالسياره لعب لا ويكتبون عليها بعد مصنعه حسب المواصفات السعوديه يعني حراميه وعينهم قويه وش مواصفاته الله يحرقكم وانتم سارقين نص ألي بالسياره والله اني اشتري من حراج الامارات ولا من اى وكاله سعوديه اما بخصوص ان اصحاب المعارض في الامارات لو عرفوا اني سعودي بيتمسكون في السعر هاذي والله انك صدقت فيها هذا الاستغلال للمواطن الخليجي وصل حتى لبلده صاروا الاجانب يستغلون المواطن في بلده والله حاله والله دنيا حنا ما افتكينا من استغلالهم برى ديرتنا جاو الحين عندنا الله يصبرنا بس

على فكرة السوق الاماراتي صار جسر ( او منفذ) للسلع الغير جيد الي تدخل الى السعودية
وفيه سيارات ناس توهقوا فيها مواصفات امريكية والدريكسون معدل والواحد ما يعرف ثم يورط ما يدخلونها الجمرك السعودي
يعني الدوحة اغلب سياراتهم للاستخدام
اما الامارات عندهم تجارة التصدير لدول الخليج وخصوصا السعودية

الديرمه
يالديرمه تراك خوفتني وسوق الدوحه ماهي راضيه تدخل مخي بس تدري عاد بشتري سيارتي من وكاله اماراتيه احسن من خرابيط المعارض

ألحين معقوله كل هالسيارات ألي بالديره ما عجبتك وش تبي تفصيل السياره انت ياخي السياراه سياره في دبي ولا في عرعر اما حكاية المواصفات انا اشوفها انه مواصفات الخليجي والسعودي مثل بعض والدليل قطع الغيار وحده لو انها مواصفات امريكيه معليش معاك حق ولاكن الخليجي مثل السعودي مافي فرق وليه تتعب حالك وتروح وتاخذ مستعمل وهي عندنا نفسها وكاله ومضمونه لك امرك عجيب انت

وانتبه
ترا المواصفات والمقايسس مسووين لاعنه وقلق
لاتجيب الا النظيف

الزير الحجازي
يقول المثل(( ألي ما يعرف الصقر يشويه))

الزير الحجازي
السعودي رجله حاره على السياره يعني كارفها كرف وتحصله كاشت عليه في البر ومفحط عليه وكارف امه خطوط اما الاماراتيين تحصل سواقتهم راكده ومحافظين على السياره وشوراعهم نظيفه مهب مثل شوارعنا الي كلها تظاريس