احمد حمد9
23-01-2022 - 04:39 pm
السلام عليكم ورحمة الله
ان شاء الله انا ناوي اخذ ام العيال والعيال في اجازة منتصف السنة في سفرة الى دبي اسبوع على مايقولو تغيير جو بس عندي بعض الاسئلة ياليت احد يفيدني
لاني بصراحة اول مرة اسافر لدبي
اول شي هل السفر بالبطاقة وكرت العائلة والا لابد من جواز السفر ؟
وبالنسبة للخطوط ايهم افضل وبصراحة انا لقيت فرق كبير في السعر بالنسبة للخطوط السعودية وطيران العربية وطيران ناس وسما ؟
وبالنسبة للسكن هل هو مكلف والافضل حجز السكن من هنا عن طريق مكاتب السياحة او من هناك يتم البحث عن سكن مناسب ؟
والافضل السكن في دبي والا الشارقة ؟
وايضا بالنسبة للتكاسي ماهو الافضل
(ارجو وضع السؤال في مكانه المناسب - ساحة الإستفسارات- )
وعليكم السلام ورحمة الله وبركاته
ان شاء الله انا ناوي اخذ ام العيال والعيال في اجازة منتصف السنة في سفرة الى دبي اسبوع على مايقولو تغيير جو بس عندي بعض الاسئلة ياليت احد يفيدني
لاني بصراحة اول مرة اسافر لدبي
فكرة حلوة .. وحاضرين للطيبين
اول شي هل السفر بالبطاقة وكرت العائلة والا لابد من جواز السفر ؟
أنا ما أعرف ايش تقصد بكرت العائلة .. اشوف السعوديين يتكلمون عنها .. بس ما أعرفها
بس عالعموم السفر يكون ببطاقة الهوية أو بجواز السفر
وبالنسبة للخطوط ايهم افضل وبصراحة انا لقيت فرق كبير في السعر بالنسبة للخطوط السعودية وطيران العربية وطيران ناس وسما ؟
اذا كنت تبي توفر .. أنصحك بناس أو العربية
أما اذا تبي الرفاهية .. فأنصحك بطيران الإمارات أو الإتحاد
وبالنسبة للسكن هل هو مكلف والافضل حجز السكن من هنا عن طريق مكاتب السياحة او من هناك يتم البحث عن سكن مناسب ؟
أسوأ شي في دبي هي أسعار السكن
يمكن أكثر شي بيكلفلك في الرحلة
بس اذا ماتبي الفخامة ممكن تلاقي اسعار حلوة .. اقصد في حدود 500 إلى 600 درهم في الليلة
وإذا تبي اقل بعد في .. بس اذا بتضحي شوي في المستوى .. أو تضحي بالوقت وتسكن في الشارقة
وأنا شخصياً أفضل الترتيب للسكن قبل السفر
والافضل السكن في دبي والا الشارقة ؟
من ناحية النظافة والخدمات والموقع .. الأفضل السكن في دبي
من ناحية السعر (فقط) الافضل السكن في الشارقة
وايضا بالنسبة للتكاسي ماهو الافضل
الأفضل انك تستأجر سيارة .. بس اذا ماتعرف الشوارع .. انصحك اما بإستخدام جهاز GPS أو بإستخدام التكاسي (بس التكاسي مكلفة)