وعليكم السلام , تحتاج زيادة للميزانية
بالتوفيق ,,,

وعليكم السلام ورحمه الله وبركاته
لا اعتقد انها كافيه
سعر السائق من 50-70 دولار باليوم
غير السكن
الاكل

إذا كان السكن، وطبعًا التذاكر، مدفوعات.. فأنت تتكلم عن أكل ومواصلات..
بصراحة 5 الآف لعشر أيام ما تكفي.. تحتاج تزيدها أقل شيء 3 الآف زيادة.. وتحتاج إنك تقتصد بعد!
لأن هناك بتضطر تدفع على أشياء كثيرة.. الشحادين كثير، والبخشيش بتستحي وبتدفعه للي يقدمون لك خدمات..
وأنا لما حجزت في سريلانكا تبع شركة، اتفقت معهم إن السواق يكون من ضمن البرنامج.. وطبعًا هو جاء وبصراحة مدري كيف جاء، هم دفعوا له أو لا..بس إنه لمّح لي آخر الأيام إنهم ما يعطونه..
عطيته قبل أمشي 14000 روبية، حوالي 450 ريال..
يعني إذا تبي سيارة لهالمدة أظن بتضطر تحط 1000 ريال أقل شيء للمواصلات..
والأكل بالمطاعم أرخص من الفنادق.. بس بتضطر تآكل بالفنادق بعض الأيام.. يمكن حق النفر الواحد يوصل إلى 70 ريال..
وأنتم 4 أشخاص ، يعني باليوم الواحد 280 ريال أكل.. يعني لعشر أيام بتحتاج تحط 3000 ريال للأكل فقط.
وفيه أشياء متفرقة هناك، زي دخول بعض الاماكن، بتذاكر، زي حديقة الحيوان أو القوارب النهرية، أو حديقة الورود، أو غيرها من هالأماكن..
التذاكر يبيلها 1000 ريال..
البخشيش بتحتاج تدفع ما يقارب 300 ريال.. نصيحتي لك خل معك فلوس مصروفة من عملة قليلة، زي دولارات.. لأنك بتدفع دولار لكل واحد تبخششه..
بعضهم ما يكفيه دولار، يعني يحتاج أكثر..
دفعت رسوم قوارب نهرية، وركبت مع سريلانكي يكسر الخاطر وقام يقول إنه مسلم .... إلخ.. استحيت وعطيته 2000 روبية، حوالي 70 ريال بخشيش..
طبعًا لو تعطيه أنت 30 ريال بتكفيه وبيحب يده راس وقفى..
ويجونك أشخاص يعرضون عليك أشياء تشوفها رخيصة بتستحي منهم وتشتري..
إلا إذا تبي تصير قعيطي ههه .. وتمسك فلوسك وما تدفع لأي أحد أي شيء.. أظن بتكفيك ال5000 ..
موفق خير ..