ولد نجـ المزووح
01-10-2022 - 10:56 am
بسم الله الرحمن الرحيم
مبارك عليكم الشهر يا اخواني الافاضل
قررت اروح اندونسيا بعد العيد ان شاء الله انا وصديقي وبصراحه احنا كنا مقررين نسافر بس ماندري وين
وبعدين دخلت منتداكم وقريت عن العمة حبيتها كثير وقلت لازم ازورها وبهالمناسبه احب
اشكر كل اخواني الموجودين في هذي المنتدى الي افادنا كثير وساعدنا وحرص علينا وثقفنا,,,
انا وصديقي دائماً نسافر بس لدول عربية وماعمرنا طلعنا برى الدول العربية
وحبينا نروح للعمة بعد ماقرينا عنها في منتداكم الطيب وكلي ثقه بفزعتكم معنا
كلمنا واحد من اقاربنا الي راح للعمة واعطانا رقم تلفون سواق وقال دائماً نجربه واندنوسي ويتكلم عربي
واخلاقه عاليه والحمد لله خلصنا من موضوع السواق
والحجز لقينا حجز بس مو اوكي وبنأكده هاليومين
وحنا عندنا اجازه 14 يوم وحجزنا للعمة 12 يوم ويومين في السعودية راحة
وقطتنا بعد ماخصمنا حق التذاكر طلعت 10 الاف ريال فهل تكفي؟
هذاوضعنا للحين تشوفون فيه شيء غلط علمني وفهموني ولكم مني الدعاء
المشكله الاكبر اني دخلت المنتدى وقريت كثير وانبهرت صراحه
كل واحد يتكلم عن شيء وجزيره وقريه ومدينه احنا في 12 يوم بنحاول نلف اكثر جزر ومدن وقرى سياحية ممكنة
يعني ماحصلت بالمنتدى خريطه واضحه عن كل الاماكن السياحيه وفيها خط سير معين
بحث اني اروح اقول للسواق اليوم ودني كذا وبكره كذا وهذا اليوم يكون اجازه الاسبوع يصلح نروح لكذا واشياء يجهلها مثلي ويعرفها اهل الخبرة
فنحب نستفيد من سفراتكم بأنكم تعلموني بعد اذنكم خطه السير ونبي نلف العمة كاملة او على الاقل اكبر قدر ممكن
تحياتي العطرة
اسف ياالغالي على الضحك بس والله ذكرتني بنفسي لما رحت لندونيسيا قبل شهرين وكان اول سفره لي الى هاالبلد. جننت الشباب في هاالموقع وفي موقع سفاري من كثر الاسئله . وكنت متحرص كثير وكنت كل ما اخذ معلومه ما اسجلها كنت انقلها مباشره الى اخويايي اللي بسافرون معي.
بس بعد ما سفرت ورجعت والله العظيم اكتشفت اني مكبر الموضوع ومضيقه على نفسي بكثر الاسئله.
ياالغالي ترى الامور طبيعيه جدا جدا في اندونيسيا شعب فقير بس محترم ولا يتعرضونك بشي. واهم شي ياالغالي الخوي بسفره ترى هو الزبده.
ام من ناحية القطه فحنا كنا 4 اشخاص وسافرنا بشهر سبعه 2008 يعني في عز الزحمه والغلا وكانت قطتنا تقريبا 11 الف ريال فقط......وكفتنا وزياده ولله الحمد والمنه.
فاانا اقول قطتكم رائعه وراح تكفيكم ان شاء الله . بس ولا عليك امر مر على اي محل مقناص يبيع عزبه وخذ لك عزبه وسط وحملها مكسرات ومعلبات وبهارات الطبخ وزيت ورز وسكر وشاهي.
ترى اكلهم هناك تعبان "اقصد المطاعم السريعه واغلب المطاعم هناك والزين غالي" .
وعليك بجاكرتا بس لا تطول فيها عند الوصول اكثر من يومين . الجبل حاول تطول فيه تراه زين .بندونق 3 ايام زينه بحقه. وبالي 4 ايام او 5 ايام وتراه كثيره بعد. لاتنسى تخلي اخر يومين او ثلاثه من سافرتك تكون في جاكرتا حق التسوق والتمشي وايضا عشان تاكد حجز رجعتك ولا ترى راح تتورط
نصيحتي لك ولخويك قفلو1 جوالتكم السعوديه واستمتعوا باالجو والطبيعه هناك.
وعلى فكره ترى دعوة المسافر مستجابة باذن الله. فلا تحرمنا منها.
وشكرا