إذا تشجع إنتر ميلان .... تكفيك فلوسك وإذا تشجع ميلان لا ماتكفيك لول ههه امزح عساك من مشجعين إنتر
1الف مبلغ لا بأس به يعني تصلح تروح ل إيطاليا وبقوه بس ماندري وين بتروح ولا ندري عن صرفيتك الشخصيه التنقلات لها دور الفندق له دور كم نجمه ...

لا انا ميلاني لول ههه
شوف يالطيب
انا ابي احضر مباراة واشوفها من داخل
وبالنسبه للسكن
انا بروح عزابي لحالي يعني انشالله اسكن بغرفه بحمام مشترك عادي
والصرفيه يعني انا مو راعي شوبينج بس اذا شفت شئ حلو وعاجبني يذكرني بالرحله بعدين اخذه
تتوقع كم يوم تكفيني فلوسي

دامك ميلاني ماني راد عليك لول ههه
لا يا اخوي تكفيك بالراحه
ان شاء الله
واي استفسار ثاني خلي بهالرابط

مشكور على الافاده
بصراحه طمنتني يا مسافر
مشكور
وانشالله اي استفسار ثاني بروح هناك

1. السلام عليكم

السلام عليكم

اخوي مبلغك حلو ودامك رايح عزابي هذا بيريحك اكثر في الصرفيه بس احب اوضح لك بعض الأشياء
التذكره بتكلفك 3400 ذهاب وعوده واعمل حسابك السكن اذا انت تبي شي بوسط الديره تراه غالي يعني اقل فندق تبي تحصله ب 900 ريال الليله وعليك الحساب في الأيام -- وان بغيت على أطراف المدينه بتلقى ارخص بحدود 600 ريال وشي راقي بس دامك عزوبي اتوقع عادي لو خذت ابعد شوي عن نص المدينه وجيت رجليه او باص والا مترو يعني تنقلاتك سهله دامك لحالك اما الصرفيه اليوميه من اكل وشرب الفطور وعلى الفندق والغداء أو العشى بحدود 100 ريال كانك راعي اكل --- بس تبي العلم الصح مر اقرب مكتب سفريات وشف عروض الفنادق اللي عندهم لان شهر 8 العروض تكون كثيره وبتلقى خيارات كثيره في السكن والمكتب يبي يعلمك عن كل شي الموقع والفخامه ونحو ذلك .. بس عندي لك راي اشوفك تقول ابي اروح ميلان تبي نصيحتي لاتطول فيها يعني لاتاخذ اكثر من يومين تراها ماتسوى والله لان كلها اسواق مافيها شي للشباب وملعب السان سيرو بعيد والدوري بيبدا في نهاية شهر 8 -- واي استفسار ابشر بسعدك ترا توي جاي طازه وان كان تبي اشوف لك مكتب سفريات ترا جنبنا واحد بطل الموقع بعد ماقصر مافيه شي ماسواه حاط كل شي بين يديك انا والله مافكرت اسافر الا بعد مادخلت الموقع...
اجل بتروح عزوبي الله يعينك على اللحوم تبي تتعب )) اذا رحت هناك خلك صايم ازين لك )

يعطيك الف عافيه اخوي ابو عذاري انت فعلاً افدتني كثير
وان شاء الله لمى اوصل اح اكتب كل شئ صارلي هناك
ويعيطيك العافيه

روق
هذا الى نتمنتاه اخوي روق
من اي عضو يزور ايطاليا
نبغى تقارير اكثر عن بلد الحب والجمال

الله يوفقك بس وضعك مايطمني لانك ميلاني لول
لو انتر تكون 100 % لول