ما قلتي لنا بكم حجزتوها واشلون الطريقة .............انا سكنت الاجور رود بس ذبحتنا ريحة الشيشة بالليل وصوت الاسعاف ما يبطل .......بس انتي تقولين شارع جانبي يمكن افضل بعيد عن الشيشة وريحتها

كلمت رقم من الارقام اللي ارسلتها لي الادارة
حجزناها 1400 باوند بالاسبوع لغرفتين نوم وصالة وحمام ومطبخ مستوى 3 نجوم
السؤال هل قد سبق ان جربها احد من الاعضاء ؟ وكيف السكن بمنطقة الاجوار رود الايجابيات والسلبيات ؟
ياليت تفيدوني الله يجزاكم خير

السلام عليكم
هلا وغلا اموله ..
اختيار موفق
سكنت في العماره الي جنبها سنة 2006 ..والشارع هادي واجد ومريح ..
اول ماتطلعون واتلفون يسار في يسار راح اتلاقون بقاله + مطعم هندي + مطعم ايراني ..
وشارع ادجول رود وراكم على طول ..
عيب الأدجول رود هو المشي فيه فليل ..الشارع مزحوم والشباب قاعدين على الشيشه يتفرجون على الي رايح ولي جاي ..
واي خدمه احنا في الخدمه

القطري
هلا اخوي القطري
قصدك اول ما نطلع على الاجور رود ناخذ يسار والا قصدك داخل الحارة
وكم المسافة من العمارة الى الماربل ارتش مشي؟
وهل تنصح بالسكن على الاجوار رود او اختار سكن بعيد عن هالمنطقة؟وش رايك؟

انا كلمت اللي اسمها مريم
اخذت رقمها من الادارةعن طريق رابط وضعه المزعج للتواصل مع الادارة
عندها شقق 2 غرفةنوم كل غرفة فيها 2 سرير مفرد وصالة وحمام 1400باوند بالاسبوع
شقة 3 غرف نوم وصالةومطبخ وحمامين 1550 باوند بالاسبوع
وتقول من فئة 3 نجوم تصنيف الشقق طبعا هي موفندقية
والتنظيف مرةبالاسبوع
ومطبخها مجهز بكل شي على كلامها وخدمة انترنت بتكلفة قليلة هذا والله اعلم
الله يوفقني واياكم للاختيار الطيب

اخوي المزعج والقطري بحسب خبرتكم كم تبعد هالعمارة مشي عن الهايد بارك وشارع اكسفورد
هل هي بعيدة والا قريبه؟؟ وهل المكان امن بالليل للي بيمشي فيه؟ لان احنا غالبيتنا بنات .

العماره اذا طلعتوا منها اما اتلفون يسار في يسار وراح اتلاقون انفسكم في الأدجول رود او يمين في يمين وراح اتلاقون انفسكم في الأدجول رود ,,
شارع اكسفورد قريب منكم والمنطقه امنه فلااتحاتون ..
مسئلة التكييف لااتحاتونها ..تقدرون اتأجرونها من المكاتب الأسبوع ب 60 باوند ( اذا احتجتوا لها )
واي خدمه احنا في الخدمه