أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
لا تشيل هم يا أخوي
أنا حاس فيك لأني كم مرة استفسر عن أشياء ولا حد يرد علي
إحنا السنة اللي طافت سكنا فيه وهو في زيلامسي
يعتبر الفندق من فئة الاربع نجوم والفنادق كلها في زيلامسي متشابهة في الشكل من برا
الفندق اللي شفته مختلف بس أظن فندق جراند اللي على البحيرة
فندق فيشرورت قريب من البحيرة فيه صالة قمار , العاملين فيه خدومين وطيببين الفندق أمان والحمدلله
شفنا فيه كذا عائلة خليجية لأن معظم المكاتب السياحية تتعامل معاه
البوفيه جيد والغرف واسعة ومريحة وما تتسكر ببطاقة كانت تتسكر بمفتاح وفيها ثلاجة
وصندوق الامانات الصراحة مارضيت أحطي فيه الفلوس والجوازات لأنه يتسكر بمفتاح فشكيت بصندوقهم
مكيفات طبعا ماشي لأن زيلامسي تعتبر مدينة باردة بس على حظنا السنة اللي طافت كانت زيلامسي
حارة وحرينا شوي في الفندق وحسينا بكتمة فاضطرينا نفتح الشباك
كان هناك نوع من الأزعاج
استقبال مالهم ضيق جدا والمصعد مالهم حالته بالويل
في بداية وقوفنا أمام الفندق ودخولنا الاستقبال شعرت بصدمة قوية وبخوف من شكل الفندق
كان الفندق كئيب لكن بعدين حسينا عادي
و الله ياصديقي الفندق جيد و قريب من البحيرة جدا بس لا تسطيع رؤية البحيرة من الغرف و هو في منطقة المشاة يعني كتير هادي وهاد الرابط خاص بالفندق
http://www.fischerwirt.com/en/index.htm
حنقر
مشكور على الرد وماقصرت بس والله انقبض صدري يوم قلت انه فيه صالة قمار بس يالله العوض ولا الحريمة
عمدة النمسا
مشكور ومائصرت وكتر خير الله أنو في ناس بالمنتدى متلك خدومين وحبابين إيه روح يبعتلك الهنا ان شاء الله
قبل اسبوع كنت ساكن فيه...وبقول انطباعي عنه
هو الفندق بصراحة نظيف من ناحية الفرش والغرفة يعني كمكان للنوم يفي بالغرض وانا اهم شي عندي النظافة
وموقعه رائع جدا في شارع المشاه...وبالنسبة لصالة القمار لها باب خاص خارج الفندق...وترى كلها قعدة شياب زيلامسي ويلعبون ورقة وهذا القمار عندهم.
بس الغرف ضيقة جدا
الاصانصير حق الفندق صغير...واحيانا تحتاج احد يسكر بابه من برا عشان يطلع اللفت
الفطور مالهم اقولك من الحين...ارقد وارتاح...واذا صحيت عندك المطاعم تحت الفندق اختار واحد منهم وافطر فيه....لان فطورهم قليل جدا ومافيه الا البيض....الباقي لحوم...وشي يسد النفس...
ادارة الفندق...يعني لابأس بس بتسمع منهم (صباح الخير) كل شوي ....
النت يقولون انه مجاني بس اذا شبك معاك....وطبعا مافيه نت ولاشي...بس يحاولون يلعبون علينا
الفندق يسكر بابه الساعه 11...في الليل..
اذا تبي تتأخر حاول تكلمهم عشان يعطونك مفتاح الفندق..وترجع وقت ماتبي
بس اخيرا اسكن فيه وانسى الفخامة اهم شي حصلت غرفه انا دورت ماحصلت الا فيه وبسعر مبالغ فيه بس شسوي
رحلة موفقة ان شاء الله
