yasser2
07-05-2022 - 06:44 pm
إخواني الأعضاء السلام عليكم :
يا إخواني دلوني تراني محتار ،،، ما أعرف الطريق ولا الأسعار
وما أعرف الجو من بعد شوال ،،،، ولا ما أحتاج في ذيك الديار
تراني ما أعرف والسفر من نار ،،،، نخيتكم بالله مصرف الأقدار
ما أدري وين أروح لاوصلت المطار ،،، ودي يستقبلني من يتكلم وبيده قرار
ويكون عنده برنامج ويوصاني للقطار ،،، ويتكلم عربي
أنا رجال محافظ ،،، ودي بخصوصية
وش تنصحوني فيه ياأهل الأسفار ،،،، يالله يأبو عبد العزيز ياراعي الديار
والمايسترو والأعضاء والرواد الأخيار ،،، لا تتأخرون علي تراه وراي مشوار
وش رايكم بالحجاب والبرقع ..................
إن شاء الله ناوي أسافر لسويسرا للشهر العسل مطلع شهر نوفمبر ، ولقيت عرض على الإنترنت
وقال لي 3500 يورو للشخصين من غير التذاكر شاملة حجز الفندق والاستقبال من المطار وحجز المترو وسواق أعطوني رايكم ؟
العرض بدون تفاصيله لايمكن الحكم عليه وتقييمه
الرجاء توضيح عدد الأيام
اسم الفندق
المدن اللي يشملها العرض
هل فيه رحلات او اي نشاطات
نوع الغرفة
ومكونات العرض
وبدون ذكر اسم الشركة حتى لايتعرض الموضوع للحذف
وللمعلومية الطقس في شهر سفرك جدا جدا بارد
وجميع النشاطات الصيفية مغلقة
بالتوفيق