أخي الكريم
بداية السعر يعتبر عادل بسبب أن الحجز لغرفتين مع الإفطار + العشاء + المواصلات من المطار إلى المطار دون تحديد مسافة
التالي
يوم واحد في دامبولا غير كاف وخاصة أنه بعد الوصول مباشرة لذلك اجعل دامبولا يومين على حساب إنقاص يوم من نوراليا أو من كولومبو
ملاحظة مهمة جداً
احرص على طلب أن تكون الغرفتين متصلة ( كونيكشن رووم ) في جميع الفنادق
وهذه المشكلة ستواجهها في فندق أمايا ليك في دامبولا لأن نظامهم أكواخ متباعدة عن بعضها بمسافة لاتقل عن 10 أمتار
إذا الأبناء كبار فليست بمشكلة لذلك أطلب في دامبولا كوخين متجاورين وأحرص على ذلك بشدة .
لك كل الود والاحترام

الله يسلمك وما قصرت ...
لكن هل تشوف الفنادق ( او ) نجوم مهمة .. لاني لا آبحث عن الفخامة
ادور على النظافة والهدوء والراحة والتعامل الحسن .. إذا ترى اني اغير إلي نجوم .. وش رايك
الله يوفقك

بالنسبه للسعر فانا اشوفه زين
بس اذا تبي تقلل من السعر اخذ فنادق 3 نجوم بتطلع عليك ارخص والفنادق حلوه وما عليها كلام ( مجرب )
وبخصوص الجدول صعبه اول ما تنزلون سيده على دامبولا وبتقعدون فيها يوم واحد بعد
يعني اول يومين مشاوير في مشاوير تكون
فإذا كنت ناوي عليها انك تروح لها دايرك خل لها يومين افضل

ابن فطفوطه
ولا يهون آخوي biobio
ظنك من المطار دايركت على دمبولا وإلا نمر على نقمبو (يوم 1) ثم دمبولا (يوم 1)
او على طولا دمبولا (يومين)
وكم المسافة من كولمبو إلى دمبولا او نقمبو
شر علي وانا خوك

من رايي اذا تنزل بالنهار روح على طول لدامبولا وخل لها يومين
اما اذا تنزل بالليل ريحوا بنوقومبو لان بالليل ظلمه وما تشوفون شيء وراح تحسون ان الطريق طويل جدا
وحتى المطاعم وكل شيء يكون مسكر يعني ما تقدرون توقفون تتعشون ولا شيء
وبخصوص المسافه والله ما ادري فيها لاني ما رحت لدمبولا حسافه