- لكن عندي اشكاليات كثيره خايف منها...
السلام عليكم ورحمة الله وبركاته..
شكراً لكل من كتب تقريراً وكتب معلومة كبيرة او صغيره.. فهي تفيدني .. كثيرا
بسم الله الرحمن الرحيم .. اولا انا حاب أستفسر عن السفر لدول أوربا وخصوصاً النمساا
وللعلم أني ماسبق تعديت السعودية .. وناوي إن شاء الله الصيف هذا اروح النمسا
لكن عندي اشكاليات كثيره خايف منها...
1 - اللغه مافيه لغة يعني يالله شي ع الخفيف بس ناوي اعرف واحفظ اغلب الاشياء اللي ممكن استخدمها!!
2- بسأل عن الميزانية هي بحدود 20 او ممكن يعني ازيد لل 25 الف .. هل ممكن تكفي لمدة تقريباً 15 الى 16 يوم حوالي اسبوعين او اسبوعين ويوم او يومين والميزانية بتكون شامله كل شي حتى التذاكر (( لتذاكر حصلتها ب 6600 بصيران الامارات)) ولشخصين .. وبقولكم اني ماراح اروح متاحف ولا شي من هلاشياء
كل اللي ابيه حتى الفنادق ماتهم عادي شقق وبدور الرخيص عشان هو بس بجي انام فيها وانا اللي يهمني كله انام واقوم اتمشى بالطبيعه وبس
حنا مو راعين اكل اكثر اكلنا خراابيط البساكيت وكذا يعني باخذها معي ان شاء الله.. يعني يمكن ناكل وجبه باليوم بس
و مخطط رحلتي هو يومين فيينا .. يوم الوصول ويوم ثاني نتمشى فيه شوي بعدين نروح على سالزبورغ وزيلامسي بس للحين ماحددت المده اللي بقعد فيها بسالزبوغ ولا زيلامسي بس هي باقي الايام لأن بتمشى بالقرى اللي حواليها كل يوم ان شاء الله واخر يومين برجع لفيينا.... علماً الميزانية لاتشمل تسوق
وهل ممكن مع هالميزانية اقدر استأجر سيارة ولو لمدة 5 ايام مثلا .. لاني قريت هنا بالمنتدى ان فيه قريه المانية قريبه من سالزبورغ فيها مكتب سكست ....
وسؤال ايهم احسن للفيزا الشنقن او فيزا اطلعها من السفاره النمساوية اللي محدده بوقت السفر.. وكم تكلفة العادية والشنقن؟؟
منيتي أروح النمسا ادعولي .... وبصراحه اذا تذكرت شي ثاني بسألكم .. عادي
وشكرا الف
