العنيـــــــــد
05-09-2022 - 12:19 pm
السلام عليكم ورحمة الله وبركاته
الي عنده خبره عن مدينة بوسطن
1- مستشفى بوسطن للأطفال : كيفه من مستشفى وكيف الاطباء في تخصص الجهاز الهظمي .
2- السكن ( شقق مفروشه لعائله صغيره ) واسعارها ياريت احد يساعدني ويكتب لي بالتفاصيل : الاسعار - النظافه - الدرجه - القرب من المستشفى - الامان بعد الله سبحانه .
3- السياره ( ايجار ) الاسعار - احسن الشركات - طريقة الايجار - الطلبات .
4- الاماكن الترفيهيه والسياحيه في المدينه .
5- اماكن المساجد .
ارجو من الأخوان مساعدتي بما يعرفون عن هذه المدينه من كل النواحي حيث انني لمست من بعض الاخوه ان لديه الخبره من واقع التجربه .
وشكرا .....
والسكن موفرته السفارة الكويتية باسعار مناسبة
ونصيحة لاتمشي على السكن اللي راح اتقدمه لك المكتب الانترنشونال اللي بالمستشفى لان اجتمعنا مع السفارة احنا يالمرضى واكتشفوا عمليات نصب واحتيال من المكانب اللي بالمستشفيات على مرضانه بخصوص السكن
اتصل على تيلفون السفارة الملحق الصحي اللي عندك بورقة العلاج بالخارج واطلب الدكتور شريف واهوا راح يخلي الجهات المعتمدة يتصلون عليك علشان مايصير فيك اللي صار فينا
واي استفسار عن بوسطن حاضر
بالنسبة للسكن امان جدا والمدينة نفسها امان في بوسطن
والاكل الاسلامي موجود بالبقالات العربية ذبح اسلامي
وفي مسجدين في بوسطن اسئل اي بقالة عربية ويدلونك عليه بالضبط
السيارات ما انصحك قول ليش لان الباركنغ جدا غالي
احسن شي لك تاخذ تذكرة قطار بالاسبوع 15 دولار للشخص
وبعدين انت ماراح اتراجعون المستشفى كل يوم زين لو حاشك كل اسبوع او اسبوعين مرة
انصحك بالاماكن الترفيهية
1- ركوب القارب اللي في محمع جاليريا كل يوم سبت واحد
2- ركوب البطة البرمائية تتمشى فيكم بالمدينة واتعرفكم على المدينة وبعدها اتدش النهر تاخذ جولة
3- التسوق اللحم الاسلامي والدجاج من بقالات هيماركت وفيها سوق خضرة
المجمعات :-
1- غاليريا
2-برودنشال
3-نيوبري ستيرت
4- الداون تاون محلات مارشال فيه اشياء حلوة ورخيصة وجودة
اشترلك خط تيلفون من T-mobil نظام التعبئة
المدينة روعه ووينسة
واي شي انا حاضر بمساعدتك
بس دير بالك ياخوي من عمليات النصب بالسكن!!!!!!!!!!!!
اتصل على السفارة لان عندهم جهات معتمدة اصلا حتى يستقبلونكم بالمطار وياخذون اغراضكم ويسكنونكم اول ماتوصلون ويوكلونكم اكل حلال
الله يعزج ياكويت قولوا امين