عزيزي فهد
أهلاً وسهلاً بك ، وشرفتنا .........
يوجد شقق كثيرة في منطقة دسمان ومنطقة بنيد القار وحولي ..................
أما فيما يخص الأسواق ، فهي كثيرة ............. وستجدها في المواضيع المثبتة ، وفي أرشيف البوابة ...
آملاً لكم اجازة سعيدة ........

فهد
وعليكم السلام ورحمه الله وبركاته
حيالله اخوي فهد ابشر بعزك
الشقق كثيره وتبدي من 25 دينار وانصحك بالسالميه وياكثر الشقق اللي فيها خصوصا للعزاب يعني مافي مشكله
بالنسبه للترفيه انصحك في مجمع المارينا مول وسوق شرق والفنار وكلهم فيهم سينمات ومطاعم ومحلات كبيره
وعندك المركز العلمي لازم تزوره وهو جدير بالزياره وخصوصا سينما اي ماكس روعه
المطاعمم انصحك في ميس الغانم وهو مقابل ابراج الكويت وعندك المطاعم العالميه مثلا ابل بيز وتشيليز ولونوتر وهارد روك كافي كلهم على شارع الخليج العربي
وانصحك تشوف سوق المباركيه وهو بالعاصمه ويستحق الزياره لانه قديم وحلو وكل شي فيه رخيص
اتمنى اني افدتك واي شي ناقص ما يردك الا الكيبورد

اخوي فهاد مشكور وما قصرت
اخوي ناصر الله يعطيك العافيه وفيت وكفيت .. واللي عنده شي بيزيده تراني محتاج لمعلومات اكثر من اهلها الطيبين

هلا اخوي فهد
حياك الله بالكويت
هذا رابط للمواضيع المهمه والمميزه :
https://artravelers.com
واهم الاماكن اللي لازم تروحلها :
بدايه بالمجمعات :
1-سوق شرق بمنطقه شرق
2-مارينا مول على شارع الخليج
3-الرايه سنتر في دسمان للماركات
4-الصالحيه للماركات
5-المهلب في حولي
6-شارع سالم المبارك بالسالميه في اغلبية المجمعات مجمع الفنار والبستان وزهره وتالا وبلازا وجاليريا 2000 وليلى جاليري والخ
7-مجمع البحر بحولي شارع تونس
8-مجمع بيروت بحولي قريب من المهلب
9-مجمع الكوت بالفحاحيل
10-ماجيك لاند في بو حليفه
11-اجيال مول في الفحاحيل
12-مجمع المثنى عند الصالحيه
بالنسبه للمطاعم :
1-مطاعم شارع الخليج منها شيليز وميس الغانم وفرايديز وفدركرز وبرج الحمام ولونوتر وابل بيز
2-مطاعم مارينا كرسنت
3- مطعم سراي بالبدع
4- الصالحيه بلازا مقابل مجمع الصالحيه فيه قهاوي ومطعم
5- برجر بوتيك بالرايه
6- واسابي الصيني ولابياتزا الايطالي ورا الكنيسه
بالنسبه للقهاوي :
1- مارينا كرسنت في قهاوي وايد ومطاعم منهم شوكليت بار وزعتر وزيت
2- قهاوي البدع بالقرب من شاطئ ومنتجع النخيل (بالم بيتش)
3- قهاوي بحيرة الكوت اللي برا المجمع
بالنسبه للاماكن الترفيهيه :
1-المدينه الترفيهيه (يوم الاثنين للنساء)
2-صالة التزلج (فيها حفلات هلا فبراير + الامسيات)
3-ابراج الكويت
4-المركز العلمي (انصحك بالاكواريوم و باافلام الاي ماكس)
7-يوم البحار
8-سوق المباركيه
9-تقدر تاخذ جوله لمدة ربع ساعه بالهليكوبتر تشوف فيها معالم الكويت
بالنسبه للمتاحف :
1-متحف كي لاننسى بالشويخ
بالنسبه للشواطئ :
1-شاطئ الشويخ
2-شاطئ المسيله
بالنسبه لسينما :
1-سينما شرق
2-سينما المهلب
3-سينما مارينا
4-سينما ليلى جاليري
5-سينما الفنار
6-سينما الكوت
بالنسبه للشوارع :
1-شارع الخليج
2-شارع الحب
3-شارع المطاعم
4-شارع البدع
بالنسبه للجزر :
1-جزيرة فيلكا (تحجز من المارينا والشخص على مااعتقد 7 دنانير ونص)
بالنسبه للمنتجعات والشاليهات :
1-شاليهات الخيران
2-شاليهات الوطنيه
3-كمبنيسكي جليعه
4-منتجع هيلتون
5-منتجع النخيل
بالنسبه للفنادق :
1-فندق الكورت يارد ماريوت داخل مجمع الرايه
2-فندق الشيراتون
3-فندق الجي دبليو ماريوت داخل الصالحيه
4-فندق الشيراتون فور بوينتس
5-فندق المريديان عند الشيراتون
6-فندق المريديان بشارع الخليج
انشالله تقضي وقت حلو بالكويت
واي خدمه احنا حاضرين ؟

أخ فهد جرب الرابط الي موجود بعنوان كل ماتريد معرفته عن الكويت وأتمنى اكون فدتك