والله الاسبوع اللي فات شايفته في دبنهامز حق غرناطه

تلاقينه في شارع السويلم عن محلات العطوروالمكياج
وفي سوق المعيقليه

صح في السويلم كل العطور المعروفة موجودة عندهم وأصلية بعد بأسعار أقل من غيرهم . اشتريت من عندهم عطر فولقاري الأسود الأصلي بميتين وخمسين ريال وهو في قزاز بخمسمية ريال نفس العطر مية بالمية

مششكورين حبايبي
بروح واجيبه
يعطيكم العافية جميع

ياسمينة ستي
:0jg2m::0jg2m::0jg2m::0jg2m::0jg2m::0jg2m::0jg2m:
افرشوا الدرب بالياسمين ياسمينه رجعت
عودا حميدا لبوابتك
عودتك دي محتاجه ذبيحه على شان كذا عازمك انتي وجمر الآهات على ضب مشوي بشعيب الشوكي
اسمعي الله يحفظك اذا بدك عطر أصلي انقزي لأمريكا وجيبي لك واحد
اقصد انقزي لأمازون وجيبي أثنين واحد لي والاخر لك تعبي معاك
العطور اللي عندنا كلها مغشوشه من عند قزاز او من شارع السويلم صناعة دبي وجبل علي
ادخلي لموقع امازون واشتري عطر اصلي وبسعر معقول واشحني عن طريق واصل عنوان أمريكا ويصل لحد بيتك مضمون

سعودي طفران
هلا بالسعودي
بااخي شنسوي مانستغني عن الغبار والزحمة ههه قصدي مانستغني عن البوابة
رديت تقول ضب :0dk6s: الله يسامحك
:01xw5:
ياشيخ لقيته عند محمود سعيد ب 447تقريبا الكبيرة منه
وشفته بأمازون ب 166 تقريبا فرق من السما للأرض والله ماني عارفة اخاف يكون بأمازون مغشوش ولا وش ذا الرخص عندهم :5i7tl:
خجلتني بكلامك المعسول
مشكور عالمرور ويعطيك العافية

سعودي طفران
يعطيك العافيه أخوي
بس عندي سوال أشلون اشحن عطر مع واصل وكيف الاشتراك والرسوم ياليت تتوسع بالمعلومات لنستفيد ويستفيد الاخوان بالمنتدى
اعذريني اختي ياسمينه لانني ابحث عن عطور أصليه والموجود كله مغشوش وارامكس لا تشحن عطر للسعوديه

السلام عليكم
أتفق مع الإخوة العطور هنا قليل منها يكون بجودة الأصلي
أتعامل مع موقع عطورات منذ سنوات وأشتري منه مباشرة
الموقع يشحن إلى عنوان صندوق البريد بسعر رمزي وعطوره أصلية ومضمونة إن شاء الله
http://www.strawberrynet.com
من يحتاج مساعدة للشراء يراسلني على الخاص أو يطلب بريدي من الإدارة

انا لي تجربة من عند قزاز ومن عند ستروبري
مرة شرا لي زوجي عطر سينما بحوالي 400 تقريبا من قزاز
وبعدها شافه بموقع ستروبري وبسعر رخيص جدا تقريبا ارخص ب50 بالمية واشترا منه علبتين كل علبة معاها لوشن وجل استحمام ولما فتحت علبة منهم وحطيتها جنب خويتها الي من قزاز لاحظت الفرق
اولا عبوة قزاز لونها ذهبي غامق وعبوة ستروبري ذهبي فاتح
وثانيا عبوة قزاز ريحتها تطول وعبوة ستروبري ريحتها تروح بسرعة
وانتم تقدرون تلاحظون الفرق اذا شريتو من عند واحد منهم وقارنتوها بالثاني وشوفو الفرق
من بعدها بطلنا نشتري عطور من ستروبري اما امازون الصراحة مابعد جربته
يمكن تكون العطور الي عندهم مو مركزة مثل قزاز او محمود سعيد عشان كده يرخصونها والله اعلم