صلالة: طبيعة (ابتدائا من شهر اغسطس)
التوقيت المناسب: فصل الخريف (يونيو الى سبتمبر )
الفترة المناسبة: خمسة أيام إلى أسبوع
جبل الأخضر: تخييم وشوي (بس فيه فندق)
جبل شمس: تخييم شباب(فيه استراحة اذا فيه عايلة،يفضل تتفق مع شركة سياحية)
التوقيت المناسب: دائما
الفترة المناسبة: يوم او يومين

الف شكر اختي مسقطية على الرد
الرحلة ستكون عائلية إن شاء الله و اذا فيه نصائح ثانية اكون شاكر جدا

بالإضافة الى ما ذكرته الأخت مسقطية هنالك منطقة الأشخرة وهي منطقة ساحلية بحرية وجوها حلو وبارد
وللذهاب الى منطقة الجبل الأخضر تحتاج لسيارة دفع رباعي
أما منطقة جبل شمس فلا تحتاج لسيارة دفع رباعي الا اذا رغبت في زيارة قمة الجبل
موفق باذن الله

شكرا جزيلا لك اخي الهيزم على التعقيب
انا ناوي اسافر بالسيارة لكن سيارتي ليست دفع رباعي للأسف
عموما سأحاول زيارة المناطق الثانية اللي تقدر عليها سيارتي

صح واللههم الأشخرة حلوة، بس ما دام فيه عايلة انا انصح تمروا على مسقط، ولو انه الجو حار شوي بس لازم تمروا علينا وما راح تندمون

أقترح أن يكون خط سيرك الآتي
مسقط (3 أيام) - الأشخرة (يكفيها يوم أو ليلة) - صلالة
وانت راجع من صلالة مر على نزوى والحمراء (وفيها يقع جبل شمس)

مسقطية
طبعا سنزور مسقط إن شاء الله و أتوقع ان نجلس فيها اكثر من غيرها لأنها العاصمة و اكيد فيها اسواق كبيرة و الجماعة اللي معي يحبون الأسواق
الف شكر اختي مسقطية

الهيزم
الف شكر اخي الهيزم على البرنامج المقترح
سنحاول زيارة كل الأماكن التي ذكرتها لكن المدة قد تختلف حسب رغبة المشاركين معي في الرحلة

ستكون زيارتي الأولى
ستذهلك صلالة بطبيعتها الخلابة وطيبة شعبها وكرم اخلاقهم ..
انا ناوي اسافر بالسيارة لكن سيارتي ليست دفع رباعي للأسف
مافي داعي للأسف يا حبيبي ..
أغلب الاماكن تقدر تلفها بدون دفع رباعي ..
وبالنسبة للجبل تقدر تستاجر جيب وتطلعون للجبل ..
اخوي ..
اول ما تدخل عمان فيه منشورات توزع ..
توضح لك الطريق وبعد محطات البنزين عن بعض ..
هالنقطة مهمة وانا اخوك .. ولازم تاخذ احتياطك من المأكولات والمشروبات ..
لان التموينات غير متوفرة بالمحطات .. وان كان فيه تموينات ماراح تلقى فيها اللي يرضيك ..
صلالة مايحتاج تسأل احد عن ابرز الاماكن
لان اول ماتدخل صلالة يوزعون عليكم خريطة توضح كل شيء ..
وبامكانك يا عزيزي تستكشف اماكن من خلال الدوجة بالطبيعة
رحلة موفقة يارب ..