abu bandar
أخوي لا تسكن غير في مكاتي, اذا مايهمك السعر لاتسكن غير في شانجريلا مكاتي لانه غالي اما اذا بتفرق معاك ف من أسبوع انا كنت ساكن في فندق العالم الجديد او (new world hotel) في مكاتي, 10 امتار وانت في الجرين بلت ومثلها وانت في جلوريتا يعني المطاعم والمحلات والكافيهات وكل شيء تحتاجه جنبك ولا تحتاج مواصلات ولا تدخل في زحمة المواصلات ومنطقة وناس راقية. نعم الفندق عادي جدآ لكن يميزه الموقع الاكثر من رائع.... تعجز تقول على المكان رائع.
قبلها انا سكنت في فندق دايموند لمدة 8 ايام وبصراحة الفندق راقي وتعاملة راقي لكن عيبة المنطقة مش راقية ابدآ وبعيد عن المنطقة الحيوية.
اتمنى لك رحلة سعيدة

السلام عليكم ورحمة الله وبركاته ...
فندق أسكوت ascot في مكاتي لا يختلف عليه اثنان أروع فندق من حيث الموقع والخدمات وكذلك الأمان ومن بعده شانغريلا وإنتركونتننتال .. طبعا عن سابق تجربه .

طيب ممكن اسعار الفنادق المذكوره اذا ممكن ؟

loveprince
اذا تسأل عن دايموند انا سكنت غرفة في الاكزيكتيف (Executive) بسعر حوالي 8000 بيسو في اليوم مع الفطور والعشاء وانترنت مجاني وخدمة مميزة بس بصراحة مع ان الفندق ممتاز من ناحية الخدمة والاكل والنظافة الا اني ما أنصح فيه بسبب موقعة في منطقة شعبية وكذلك بسبب بعده عن المنطقة الحية (active ) او مكاتي اللي ممكن تلاقي فيها كل ماتبحث عنه من أسواق ومطاعم ومقاهي وناس ومنطقة نظيفة.
اما فندق (New world) فسعرة حوالي ال 5000 بيسو ومستواة متوسط لكن موقعة في نظري أفضل موقع ممكن ولا يوازيه في الموقع سوى شانجريلا.

سفير البدو
شكرا للجميع
انا خطتى اني اسكن اسبوع في مانيلا و3 ايام في اي جزيره او منتجع تقترحونه . لذالك ارجو من الجميع مساعدتى في اختيار 3 ايام خارج المدينه وتكون كما قلت في جزيره وتكون مميزه في برامجها
وشكرا

abu bandar
انا أنصح في بلاوان (Palawan) أكثر من بوراكاي(Borocay) من وجهة نظر خاصة لان الاولى كبيرة من ناحية المساحة وتنوع البرامج وعلى العموم كل الجزر برامجها زي بعض يعني تأخذ مركب ويلفون فيك في البحر الين يدوخ راسك وتتفل العافيه همن شوية غطس ثمن يرجعونك الفندق ماتشوف الدرب. انا رحت الجزيرتين وأشوف بالاوان أفضل وتستحق الزيارة للاسباب اللي ذكرتها. على فكرة يمدحون باجيو(Bauio) وانا والله مارحتها.

سفير البدو
ماقصرت وانا ممنون لمساعدك