- طبعا مثل يقولون الصور تغني عن الكلام اكثر الاحيان
السلام عليكم
اعزائي اعضاء المنتدى
يمكن شاركت كذا مره في المنتدى قبل بس كانت كلها ردود ويمكن هذا اول موضوع لي !
علشان كذا اخوكم ماعنده خبره كبيره في طرح المواضيع بطريقه شيقه
بحاول ...وانتم عاد لاتدققون
طبعا انا لي يمكن اكثر من سنه ونص في لندن يعني فيه شوية خبره!
والموضوع اللي راح اطرحه طازه ومواكب للاحداث
الويك اند اللي فات كان مميز في لندن من ناحيتين:اولا:مرور الشعلة الاولمبيه في لندن(يوم السبت)!
ثانيا: تساقط الثلوج بكثافه في لندن(يوم الاحد) ...وحدوث هذا الشي في ابريل نوعا ما غير متوقع!
طبعا مثل يقولون الصور تغني عن الكلام اكثر الاحيان
علشان كذا لقطت لكم كم صورة وصراحه لان الصور كانت كثيره ونقيت بعضها علشان كذا مااتذكر مكان بعض الصور بس غالبيتها في الريجينت بارك الهامبستيد والهايد بارك بالاضافه الى مرور الشعله الاولمبيه في الترافلقار سكوير
قبل الويك الاند كان عندنا خبر عن الشعله الاولمبيه ومقررين انا نروح نشوفها انا ومجموعه من زملاء السكن
طبعا معظم الكلام اللي صار عن الشعله الاولمبيه في غالبيته سياسي علشان الاحداث اللي صارت في التبت وحقوق الانسان وكثير من البريطانيين طالبو بمنع مرور الشعله ومن قوردون براون (رئيس وزراء بريطانيا) بعدم حضور الالعاب الاولمبية
قلنا يالله وناسه خلنا نروح ونشوف كيف الوضع..طبعا غالبيه اللي معي من اسبانيا والمكسيك وايطاليا
في نفس اليوم اعتقد كانت مباراه بين الارسنال وليفربول وانا ساكن قريب من استاد الامارات ..صراحه ماادري المباراه كانت فيه ولا لا ...بس كان الشارع مليان اعلام وتشجيع ...من جد في هالبلد جنون كوره!
توجهنا لساحة الترافلقار وكان الاندرقراوند مليان ناس حاطين اعلام التبت وشعارات على وجوهم وملابسهم
الشرطه كانت في كل مكان خصوصا في الترافلقار سكوير
مااطول عليكم الصور ممكن تغني عن الكلام
ملاحظين اعلام التبت ...لون ملابس برشلونه....لول
حررو التيبت من الحكم الصيني
الشرطه يحضرون لمرور الشعله الاولمبيه
طبعا هذولا جالسين على طريقة الرهبان البوذيين اللي احتجو على الحكم الصيني وقامت الصين بقمعهم
هنا لوحه طريفه لكن معبره بنفس الوقت
الالعاب الاولمبية بالتيبت 2008 .. مسابقة تخطي القمع والتعذيب....محاكاه لتخطي الحواجز
واخيرا
الشعلة الاولمبية
طبعا ماقدرت اقرب علشان اصورها من الاحتجاجات والشرطة ...فقررت اني اطلع فوق والقط صورة من فوق
الاحد عادة نلعب كوره في الريجينت بارك الظهر....بس الجو كان ثلوج فقررنا نخليها تمشيه وتزلج...لول
مااكثر اخليكم مع بعض الصور المتفرقه
هذي القناة المائية اللي توصل بين Camden Town Market وحديقة لندن للحيوانات
الريجينت بارك
اشرايكم.....ترى انا اللي مسوي هالدب
هذي صور متنوعه من الهايد بارك سانت جيمس بارك والمنطقه اللي حول قصر الباكنقهام
الصور هذي من السكن حقي وهو عباره عن مجمع سكني للطلبة فيه حوالي 500 طالب وطالبه من كل مكان بالعالم
>> محاكيكم الحين غير الانقليزي يطقطق اسباني وايطالي مع شويه يوناني
هذا الكوفي شوب اللي عاده نتجمع فيه داخل السكن .
لا حظو اش مكتوب على الباب It's spring ....
yeah that's right.....loooooooooooool
ايه واضح انه الربيع.....صدناهم
لايفوتكم الزهور والشمس
لول
اتمنى ان الموضوع عجبكم
طبعا انا عندي صور كثيره لكل معالم لندن
بس قررت اني اجيب موضوع طازه ويعبر عن بعض الاحداث في لندن
تشاو
روعة السنو
تتوقع ينزل ثانية هالاسبوع ؟؟؟؟ يعني من يوم الاثنين الجاي وطالع
روعه بصراحة