1. السلام عليكم ورحمة الله وبركاته

السلام عليكم ورحمة الله وبركاته

في البداية رمضان كريم وكل سنة والجميع بخير ،، والله يتقبل من الجميع صيامهم وقيامهم .
في الحقيقة يالربع أنا قدمت أوراقي على الفيزا الكندية ولحظة تقديمي عليها وضعت موضوع في المنتدى أسال عن أمريكا لاني حسيت ان الفيزا الكندية ماراح تجي وفعلا تم رفض الفيزا الكندية ،، فقررت اقدم على الفيزا الامريكية ،، وبعد بحث كبير وطويل وقع اختياري على ولاية هيوستن كما نصحني الاخوان لما فيها من اجواء مناسبة وأمن واسعار مناسبة .
ففي الحقيقة أنا مضبط حساباتي على أن اصرف بالشهر تقريبا 7000 ريال سعودي ،، شاملة السكن والدراسة والمعيشة ،، خاصة واني أغتربت لأكثر من بلد وأعرف أدبر اموري في الغربة ،، لكن صادفتني بعض المشاكل والعقبات اللتي ارجو منكم الاجابة عليها ومساعدتي في تخطيها وتجاوزها :
المشكلة الاولى كانت في أسعار الجامعات ،، بصراحة راسلت معظم الجامعات المعترف بها في ولاية هيوستن ووجدت أن ارخص سعر 1200 دولار بالشهر تقريبا يعني بمعدل 4500 ريال سعودي ،، فراح يبقى معي 2500 ريال ما أعتقد انها راح تكفي للمعيشة والسكن ،، فسؤالي هو هل فيه جامعات معترفة واسعارها مناسبة في ولاية هيوستن ؟؟ يعني 1000 دولار حولها ؟
من سوء حظي سنعت أموري ورتبتها على احدى الجامعات ولكن للاسف بعد ماراسلتهم أخبروني انهم مكتفين وعلي الانتظار لبداية السنة ،،
المشكلة الثانية كانت في السكن ،، صراحة تعبت في ايجاد السكن المناسب ؟ يعني مثلا بحثت في بعض المواقع ووجدت سكن في بنايات اعتقد مثل المنتجعات واسعارها بين ال 500-600 شهريا ،، ولكني بصراحة متخوف منها وغير مطمئن أخاف لارحت هناك يطلعون لي شغلات مالي فيها من تاكس وغيره لان السكن احسه فخم فيه مسابح وحدائق وجلسات وحركات ،، فياليت تفيدوني عن افضل طريقة لايجاد سكن مناسب ،، سوا عن طريق اعطائي روابط لمواقع معتمدة ،، او بأي طريقة ترونها مناسبة ولكم جزيل الشكر ،، مع العلم اني ابحث عن غرفة بحمامها وانتم بكرامة واتمنى يكون سعرها بين ال 500-600 شهريا ،، فهل هذا ممكن ام لا ؟؟؟ وهل هذه المواقع اللي قلتلكم عنها ثقة ام لا ؟؟ وياليت تعلموني كم اسعار السكن تقريبا في ولاية هيوستن ؟
المشكلة الثالثة وهي بعض الاسئلة البسيطة السريعه وارجو الاجابة عليها ولكم جزيل الشكر :
1- هل استطيع تغير المعهد من داخل امريكا ؟؟ لاني راسلت السفارة الامريكية وقالولي اذا تبي تغير المعهد لازم ترجع للسعودية وتقدم من جديد ،، وبحثت في الانترنت ووجدت انه بامكانك تغير المعهد بعد انهاء شهرين في المعهد السابق ،،، فياليت تفيدوني بالجواب النهائي يالاخوان .
2- بخصوص المواصلات في هيوستن هل نظامهم نفس نظام كندا ؟؟ يعني تشتري بطاقة مواصلات شهرية وتوديك لاي مكان تبيه بالباصات او المترو ،، او ماعندهم هالشي ؟؟ وياليت تعلموني كم اسعار المواصلات فيها ؟
3- بخصوص هيوستن ،، برأيكم ونصيحتكم ماهي افضل مدينة فيها ،، من حيث قلة العرب والسعوديين والاسعار المناسبة والمعاهد المناسبة ؟
4- بخصوص تذاكر الطيران ماهو افضل وارخص طيران يوصلك لهيوستن ؟ او مايمسى مطار بوش اذا ماكنت مخطأ ،، لاني بصراحة وجدت اسعار مناسبة في المواقع المنتشرة بالانترنت للبحث عن حجز ولكن في الحقيقة لا اعلم مدى صدقيتها ،، فياليت تفيدونا بالطيران المناسب ،، وهل هذه المواقع اللي تجيب لك حجوزات مضمونة ام لا ،،، لاني و جدت جدول رحلات من الرياض إلى لندن ثم هيوستن وهكذا بسعر تقريبا 1000 دولار او اقل .
5- ياليت يالاخوان تفيدوني بهالمعلومة المهمة وهي ،، في اي شهر يكون فصل الخريف والصيف والشتاء في امريكا وبالاخص في هيوستن ؟؟؟ لاني انلحست شوي من هالسالفة ؟
6- هل استطيع الذهاب للسفارة قبل أستلام ال i-20 ؟؟ لاني بحثت في المنتدى ووجدت الاجابة وراسلت السفارة واجابو لي بنفس الاجابة وهي بامكانك ذلك ،، ولكن المشكلة في الابلكيشن لمن عبيته كتبت لهم عنوان كلية عشوائية وحطيت ارقام كليات عشوائية وحتى السكن كتبته عشوائي لان مامعي سكن ولا كلية ،، فهل هذا يؤثر في ملفي ام لا ؟؟ وياليت تفيدوني بالحل .
7- واخيرا يالاخوان أنا بصراحة شخص اقتصادي واذكر في كندا كنت اصرف حول ال 600 دولار شهريا ومن المعلومات اللي سمعتها ان أمريكا ارخص من كندا ،، في الوجبات السريعه والمطاعم وغيرها ،، فهل 500 دولار كافية كمصاريف شخصية لي لمدة شهر ؟؟؟ اقصد المواصلات والوجبات الغذائية من غير السكن ،، ام هي غير كافية ،، وبرايكم كم يكفي بالشهر تقريبا ؟
فأتمنى منكم يالاخوان الاجابة على هذه الاستفسارات باجابات تفصيلية اذا تقدرون لأني احب شي اسمه تفصيل ولاتبخلون علينا بمعلوماتكم حتى لو كانت بسيطة ،، وياليت اللي عنده روابط لمواقع تبحث لك عن سكن ومضمونة او روابط لمعاهد جامعات معترفة لدى الملحقية واسعارها مناسبة يضع لي الروابط كلها ،،
وألف شكر للجميع