لتين
07-11-2022 - 05:48 am
السلام عليكم ورحمة اللهفضفضه واللي عنده اقتراح ينصحنا
رحنا لجاردا لاند والحمدلله على كل حال
انا ماكنت ناويه اروح للبارك جو ايطاليا حار جدا ومافكر امسك سرا بهالجو
يوم دريت عن الالعاب المائيه طرت ابي اتبرد اكتشفت ان مافيه الا 4 العاب مائيه
المهم دخلنا مع هالجو ولعبنا اول لعبه وكانت هاللعبه تنقلب على تحت قلبات كثيره
وزوجي الله يهديه حاط الايفون بجيبه ويوم نزلنا اكتشفنا انه طار
رحنا للانفورميشن وقالوا لنا بعد ماتسكر الالعاب يبدون يبحثون عن المفقودات
تفائلنا والجوال يرن الى قبل امس والسالفه لها اسبوع
كلمناهم كذا مره وقالوا لو لقيناه كان دقينا بس للاسف
القهر ان الجوال موجود عالزرع اكيد حال حال علبه مجدوعه
واللي تحت اللعبه كله ثيل وزرع ومحوط بسياج محد يقدر يدخل طبعا
دخلت من ايفوني على امل ابحث عنه لكن يطلع لي اشارة حمرا بجنب الجهاز يعني انه اوف لاين
ابي اسحب المعلومات والصور ماقدرت
سويت للجهاز لوك عشان اذا لقوه ولارجعوه عالاقل ماحد يعبث فيه
بس ان شاء الله انه استجاب وتقفل
المهم اللي عنده فكره والا خلاص ننسى الجهاز
زوجي يقول ان لقوه كيف يرسلونه قلت خلهم يلقونه الحين والله يخلي العرب المسافرون خ نوصي اي احد يجيبه منهم
ايطاليا ماتنفع لاجو لاشعب ولاديرة
الشمس حرقتنا حرق وكنا ساكنين بميلان بقراند بلازا الفندق حلو بس التكييف عندهم سيء جدا
على هالجو اللي عندهم المفروض نرجع الفندق ونعوض ونتبرد فيه لكن الشكوى لله