ياشباب تكفوون ابغى منكم برنامج محكم مدة الرحلة 12 يوم والميزانية 12500 ريال والعدد شخصين
وهل تكفي الميزانية للرحلة ؟؟
وعليكم السلام .
باذن الله تكفي توكلوا على الله وراح ترجع ومعك باقي من الفلوس .

الله يعطيك العافية ريحتني من ناحية الميزانية بس باقي على الشباب يساعدون في وضع البرنامج

الميزانيه حلوه وبيرجع منها اما انسبه للبرنامج 2 بجاكرتا ولباقي قسمه على بونتشاك وباندوق وبقور واخر يوومين رح لجاكرتا
وشكرا

الله يعطيكم العافية البرنامج هذا فكرت فيه بس ماراح يكون البقاء في جاكرتا 4 ايام مقسمة على البداية والنهاية مكلف
واخر الامر ممكن يكون 2 جاكرتا _ 5 بونشاك _ 2 بندونق _ بقور هل يوم كثير عليها _ 2 جاكرتا
وبنسبه لمدينة بالي اروح ولا ماتكفي الميزانية بس ممكن بنسبة للمدة اخذ من جاكرتا يومين ويوم من بقور اذا كان الميزانية بتكفي اخلي_ بالي_ 3 ايام .. ويش رايكم ياجماعة

hnoon
هلا اخوي بااذن الله الميزانيه تكفي مع حسن التصرف.
انا افضل انك تسكن في جاكرتا لمدة يوم واحد فقط ثاني يوم تطلع لباندونق باالقطار على درجة الاكزكتف تقريبا راح تكلف التذكره الوحده يمكن 30 ريال او اقل "يمدحون القطار وانا مجربته بس ان شاء الله راح اجربه"
المهم تروح لباندونق لمدة 3 ايام تسكن في مجمع فيلل او فندق
بعدها تاخذلك سياره من باندونق وتتفق مع السائق انه يوديك الجبل "البونجاك" وما يخليك الا لما تحصل فيلا. وانصحك تاخذ فيلا خاصه.......لان فيها من الخصوصيه والراحه الكثير.
تقعد في الجبل 6 ايام ..راح تنبسط كثير فيه فعاليات كثيره هناك وصعب انك تحصرها في يوم واحد.
وبعدها ترجع ادراجك الى جاكرتا وتقعد فيها يومين اول يوم تقضيه في انشول وثاني يوم تتمشى في المجمعات عشان تشتري هدايا ....وبعد تضبيط شنطك تنام والصبح على المطار قبل الرحله 3 ساعات عشان تشحن اغراضك بدري وتاخذ البوردنق وترتاح.
اتمنى منك زيارة هذا الموضوع للفائده.
https://artravelers.com/p/re/227142
تحياتي

مشكور الله يسلمك كل شي راح اسجله عندي في المفكرة
اشكر كل من ساهم في مساعدتي