وعليكم السلام ورحمه الله وبركاته
اذا صادفت امراه عند الدخول للجوازات امورها طيبه ولكن قد لا تضمن
قد يسبب اصرارها تعنت من قبلهم اذا طلبت موظفه

فيصل
يعني عادي تتمشى بباريس بالنقاب .. مافيه مشكلة؟

..
مافيها مشكله ان شاء الله
شفنا كثير يتمشون فيه ووضعهم طبيعي جدا جدا
بس بعض الاماكن المغلقه يمنعون دخول المنقبات
والجزء المصري من متحف اللوفر ع سمعنا ممنوع النقاب فيه

يعني انتي سؤالك ما كان فقط ما يخص الجوازات بشكل عام
الاخت romh شافت بزيارتها منقبات
وفيه اخوان ذكروا ان زوجاتهم منقبات

مشكورين ماقصرتواالله يجزاكم خير

انا تو جيت مع ام العيال من باريس
والحمد لله كانت منقبه
ولكن مثل ماقالت اختي رومه ،، الاماكن المغلقه ممنوع فيها النقاب
وصادفني هالموقف مرتين ،، اثناء الدخول لمتحف اللوفر ،، رفضوا الدخول إلا بفتح الوجه
وخليتها تلبس نظاره شمسيه كبيره وتحط الشيله على راسها وتجيبها مع الجوانب شوي
ودخلنا الحمد لله ،،
والمرة الثانيه كانت اثناء زيارة قصر فرساي ،، نفس الموقف
ولكن بعد الدخول خليتها تتغطى مره ثانيه ،، وما احد كلمنا ^^
و بعد موقف اخير ،، كان في حديقه لوكسمبورغ ،، مسكنا عسكري ورفض نمشي إلا بفتح الوجه وجلس يتكلم ان هذا ممنوع في فرنسا وكلام كثير مأخوذ خيره ،، وما مشانا إلا يوم كشفت ام العيال &(
ومن ناحيه الوصول ،، اول مانزلنا من الطياره كانت في موظفة تشيّك الجواز وتطابق الصورة مع الوجه بعدين تسمح لك بالدخول للمطار ،، وخليتها تكشف بس للحرمه ثم تغطت
رحنا نخلص جوازاتنا ،، وكانت الحمد لله حرمه بعد اللي تختم ،، وطلبت كشف الوجه للمطابقه
وبس هذا اللي صار معنا =.)
اتمنى اكون افدتك

الله يسلمك حبيب قلبي
وعقبال اختنا الكريمه تروح وترجع بالسلامه ان شاء الله