قانوني محنّك
13-02-2022 - 05:06 pm
السلام عليكم
في البداية اعتذر لأخوي هيمان .. لأني سرقت عنوان احد مواضيعه..
ودي ادخل في الموضوع على طول .. لأني النفس ضايقة
اخوكم الصغير .. اتفق مع أحد المكاتب السياحية في الرياض لإستخراج التأشيرة من سفارة النمسا مقابل 800 ريال ، 600 للسفارة لعدد 2 جواز ، و200 للمكتب على كل جواز 100
ووفرت كل شيء
كشف حساب 6 شهور بالانجليزي .. والحساب عليه حركة طيبة ومبلغ لابأس به
خطاب تعريف من العمل بالانجليزي وموضح فيه الوظيفة والراتب .. وكلش
تأمين سفر من التعاونية لمدة عام كامل وباللغة الانجليزية
عبيت الابليكشن خانة خانة
صور كافية حسب ماهو مطلوب
حجز طيران مؤكد
حجوزات فنادق مؤكدة
صورة كرت العائلة
وجوازات طبعاً سارية لأربع وخمس سنوات قدام
طبعاً هذا الكلام قبل مايقارب خمسة اسابيع من الآن
وبعد مرمطة مع المعقب ( السعودي للأسف ) حسبي الله عليه .. واخذ وعطاء ومكالمات طويلة عريضة ، جاني امس حسبي الله عليه .. ويقول السفارة رفضوا منحكم تأشيرات !!!!
سألته اش السبب ؟ اش المبرر ؟ وين خطاب الاعتذار من السفارة ؟ وين ختم رفض التأشيرة ؟ قال لي عليه من الله مايستحق هم أعطوني الجوازات كذا !!!
ياناس .. مستغرب ان كان صادق .. لأني سبق رحت اوروبا .. وبريطانيا .. واستراليا .. ولا واجهتني أي مشاكل في التأشيرات .. ولاقد طبيت لا سوريا ولا العراق ولا باكستان ولاغيرها من الدول اللي عليها علامات استفهام !!!
طبعاً .. أنا اتهمت المعقب بسرقة المبلغ ، وعدم تقديم المعاملة أصلاً للسفارة ، ووصلت الموضوع الى صاحب الوكالة .. واللي كان الشهادة لله .. متفهم للمشكلة ووقف معي ووعدني خير الاسبوع الجاي .. انه راح نروح سوا للسفارة النمساوية .. ونتأكد من دخول الاوراق او عدم دخولها .. ونقرر ياأما نواصل مع النمساوية أو راح يشوف لي سفارة غير وببلاش .. وشكله راح يفصل هالمعقب .. لأن حسب مافهمت انه فيه كم واحد منكوب مثلي والسبة هالمعقب .. حسبنا الله عليه ( قسم بالله يستاهل :112: )
المهم .. مالكم في طول الكلام ..
عزاي الوحيد ان سفري راح يكون في 16 جولاي .. يعني عندي حول شهر تقريباً .. وفيه امل اطلعها من سفارة غير .. اذا كان هذا المعقب صادق .. وان كان كذاب وسرق الدراهم .. فراح اواصل مع النمساوية ..
وفي الختام .. اش رايكم .. شوروا على أخوكم .. تكفون ؟؟؟ تراها سفرة شهر عسل .. مي بأي كلام .. تذاكري معي .. وفنادقي محجوزة ومدفوعة ..!!
واللي عنده واسطة في حدا هالسفارات تراني استاهل
وأخيراً ... اذا تسمح لي إدارة الموقع .. انبه من هذا المعقب بإسمه فأنا مستعد .. بالرغم من انه لاينقل صورة صحيحة للوكالة اللي يعمل فيها ؟؟
آسف جداً على إزعاجكم بهالموضوع .. لكن تراني اعتبر كل واحد أو وحده فيكم اخ او اخت لي .. واتوقع منه كل خير ..
تحياتي
اخوكم
المنكوب
قانوني محنّك
السفره ورحله سعيده ان شاء الله وزواج مبارك مقدما ان شاء الله .
نجي للجد انت كيف تاخذ عنوان موضوعي قبل ماتشاورني وين الحقوق الفكريه كيف اعرف ابدع
واكتب وغيري ياخذ شقا بنات افكاري
لاتشيل هم الله ايفرجها ان شاء الله انا اعرف ان المجال السياسي للدوله الخارجي يسمى بالسلك
الدوبلوماسي وللاسف هذا حبل حتى مايستاهل بسبب العراقيل والصعوبات اللي امصعبين فيها حصول
السواح الخليجين على الفيزا .
انا عن نفسي بقدم للسفاره الالمانيه اشوفها اسهل ، لو انا منك بسير استراليا وانت عارف استراليا انا
كان شهر عسلي باستراليا والله افضل من النمسا بالخدمات والفعاليات والانشطه