! ابوعبدالعزيز
31-08-2022 - 02:10 pm
السلام عليكم
كيفكم
الحمدلله يارب وصلتني الفيزا
التفاصيل :
مقابلتي كانت 31 ماي .. رحت لهم وكلي ثقه
دخلت مثل اي شخص يطلب الفيزا :tongue:
كان رقمي 8 .. رحت للشباك الاول فيه اخت مصريه .. قالت اعطني اوراقك (( قلت لها وش تبين اوراق لان معي اوراق كثيره )
قالت اي شىء بس عجلنا ورانا شغل :tongue:
عطيتها الاوراق الاساسية فقط وشهادة الثانوية فقط مع اني معي شهادة أعلى منها .. الخخ
انتهيت من المصريه قالت انتظر وراح اناديك بنفس الرقم قلت اوكي ..
شوي طلع رقمي .. وكان في الشباك موظف سعودي .. اخذ بصماتي وقال لي .. انتظر لحد يطلع رقمك مره ثانيه
انتظرت ... وطلع رقمي وأروح لوجه السعد :55654: عجوز امريكية عمرها بال 70
طبعا بالمقابله ياخذون الابنطباع من أول نظره ..
صباح الخير .. وارد عليها .. وكيف حالك .. وارد عليها .. واسأل عن حالها ومن يعز عليها ..
(( قالت لي ترا انا اعرف شوي عربي .. ورديت عليها قلت من زين لغتي .. قلت لها اعرف انجليزي شوي شوي مثلك قالت موو مشكله عادي حتى لو مافمهت )
سألتني .. ابوك وين يشتغل؟؟؟ ... علمتها ...
وسألتني متى تخرجت من الكلية..؟؟؟ .. لاني ماكتبه نسيته ... عملتها .. قالت قود
وين سافرت ؟؟؟.. طبعآ اخر 4 سفرات كلها دبي ..
اخوانك قد سافرو لأمريكا .؟؟ مثلا دراسه .؟ سياحه .؟
جاوبت جميع الأسأله والحمدلله ضحكتي ملازمتني
والعجوز موسعه صدرها كل يوم كذا هي مع الناس ولا انا حالة خاصه ؟؟ ؟
طبعآ وهي تسألني عرضت عليها اوراق .. مثلا كشف طبي من مستشفي حكومي .. كشف كامل
واخذت 3 أبر احتياطيه من اي فايروسات
وعطيتها كشف حساب الوالد وشهادة بنكية وخطاب ان الوالد بيتكفل بدراستي اللغه والجامعية
وجميع مصاريفي
كل ماعطيتها ورقه تقول قود وتمدح فيني
حتى ماشافت كم في الحساب ولاقرأت الخطاب ولا شىء .. كلها ترجعها لي
قالت لي اتمنى لك التوفيق وأنت راح تدرس فيها امريكا وبتجيك فيزا قبل الموعد...
وقالت بعطيك ورقة زرقا .. كتبت لي ارقام فيها قلت له شكرآ ماما :tongue:
قالت : هذى اجراءات احتياطية وإدارية .. تقول مافيه احد من اهلك قد زار امريكا وحتى اسمك
متكرر وبشكل كثير محمد عبدالعزيز
قالت: خلك على الموقع أسبوعين وبيجيك الرد .. قلت لها اوكي وشكرآ
وبعد 8 ايام دخل أسمي للنظام .. ومن بكره تغيرت الرساله (( لأرسال الجواز )
ارسلته فيدكس ,, و 5 أيام .. واستلمته اليوم والحمدلله والفيزا 5 سنوات
المده الاجماليه : 16 يوم
من دخولي للسفاره لحد خروجي ... 50 دقيقه بالظبط
وعقبالكم يارب
وعقبالنا ان شالله