بالنسبة لبروستد الأفندي من فندق الشيراتون ، تمشي في الشارع الأول إلى تقاطعة مع شارع الملك عبد العزيز وتلف يمين ويكون على يسارك (( حديقة تحت الصيانة )) وتمشي لما توصل إلى إشارة وبيكون على يمينك مبنى الشرطة وتمشي لما توصل الي إشارة وبيكون على يمينك مبنى الرئاسة العامة لتعليم البنات وعلى يسارك شقق نوف للشقق المفروشة وتكمل على نفس الشارع لما توصل إشارة فيها ((( دوار ))) وبتشوف على يسارك (( حديقة الأمير سعود بن جلوي ))) المطعم راح بتشوفة في ((( الجهة الثانية ))) من الحديقة . هذا أدق وصف لموقع المطعم .
وأن شاء الله يكون أفدناك .

الدوار قصدك دوار التميمي

بالضبط هذا اللي يقصده أخوي غريق الدمام
تدخل في الدوّار وتاخذ معه يسار وبتشوف الحديقة على يمينك اطلع معها
على طول وبعد مسافة 300متر بتشوف المطعم خلف الحديقة وأيضاً
على يمينك ، وإذا بتروح الليلة أكيد إني معزوم على حسابك
صحتين وعافية مقدماً ،،،،، أخوي

نعم دوار ( التميمي ) . المشكلة أن الدوارات والميادين والأنفاق والكباري في مدينتنا لم يتم تسميتها لتسهيل الناس على التعرف على الأماكن أن صادفتة ..

كنت متشجع للذهاب لنفس المطعم
بس بعد ما شفت أغلب ردود اللي
راحو فيه من تقرير أخوي المشرف سلطان المجمعة
ما أفكر أروح له نهائياً ، وتبقى وجهة نظر

ليش ماتروح ...هل يوجد عيب في المطعم

صلب الموضوع عن الوصف وبما أن الاخوان ماقصروا في توصيف المطعم يكون الهدف من السؤال قد انتهى ويمكن التواصل بشأن تفاصيل المطعم في الموضوع الاصلي منعا للتكرار
https://artravelers.com/p/re/502058