قوة شباب , انا رايح للكويت قبل كم يوم و رديت الحمدلله كنت رايح مع رفيجي عن طريق الخط السريع من بعد جسر الملك فهد للكويت مباشرة تقريبا الخط اربع ساعات و انا قطعته الحمدلله في 3 ساعات و كنت اسوق حوالي 140 كيلو سرعتي و هو خط جيد اربع (سيدات) و يصير 3 سيدات بس قبل ساعة و نص من الكويت يتحول الى سيد واحد فقط سيد رايح و سيد قادم , و الى هنا مافي مشكلة مع انه احيانا يكون الشارع مكسر اشوي من الشاحنات .
المهم يمتاز الخط بوفرة محطات البترول و هذا شيء طيب , لكن في ردتنا يا جماعة زدت سرعتي اشوي حق نوصل بسرعة و كنت اسوق من يوم وصلت حق الثلاث سيدات الخط السريع كنت ادوس بسرعة 160 كيلو تقريبا و الى هنا مافي مشكلة , لكن المشكلة لما قربت من الدمام ما اشوف الا اللي جدامي بيك اب مخفف اشوي و راح فجأة سيد اليمين بعد ما كان جدامي يسار و انا خففت اشوي يعني سرعتي 160 و خففتها يمكن لي 100 لاني تفاجأت ان حفر كبيرة مفاجأة بالشارع و معاها مطبات جنها تقولون جبال صغيرة !! و ما اسمع الا طاخ بوم طيخ حق السيارة و اللي كانها ارتفعت اشوي حسبي الله على المسؤوليين عن الشوارع عندكم انا قلت خلاص تكسرت سيارتي و قعدت اطالع من المنظرة الجانبية اشوف شنو تكسر و طااح !! بس الحمدلله ماشفت شي و وقفت بعدين عند محطة بترول و جيكت على السيارة اشووف شصار فيها بس هم الحمدلله مالاحظت شي لانه عندي جيب لاندروفر و الحمدلله اثبت قوته و انقذني و وصلت به للبحرين بسلام و لكن نفرض اني كنت مسافر بسيارة صالون او نفرض انه السيارة ماستحملت هالاصطدام و انكسر شي في المكينة و خسرت السيارة من المسؤول ؟ يعني على الاقل اذا مابصلحون الشوارع يحطون تحذير لخلق الله حق ياخذون حذرهم و يخففون سرعتهم و القهر التحذير هذا موجود عاد بعد ماتنتهي هالمطبات و الحفر الاولى و نمشي اشوي الا جانا تحذير ( تمهل) ههه بعد شنو بعد خراب مالطا و لا هالمرة كان فعلا الشارع يعني ماينداس عليه و كان خرب لدرجة كبيرة و مشيت فيه نوعا ما بحذر يعني على الاقل فادنا التحذير بس امانة يعني جزء بسيط من الشارع و خط سفر دولي ليش مايتم اصلاحه و شذنب الناس اللي تروح عليها سياييرها ؟
و مشكورين