فندق لافندر أثنى عليه أحد الأخوان
وتقييمه من النزلاء في بوكينج 8.4 من 10 ( ممتاز )
الغرفة البريميوم مساحتها 20 متر
( ليست واسعة وخاصةً لصاحب الأطفال ) أما الزوجين فقط فالمساحة مقبولة
أما أنواع الغرف الأخرى ( الديلوكس والاستوديو فهي واسعة ) ولكنها أغلى .

نصيحة أخ محب أبعد عن فندق لافندر هوم Lavender Home
سكنت فيه خلال فترة عيد الفطر لأول مرة وقلت لانه جديد وطلع اساسا عمارة قديمه وتم ترميمها ولمن جيت ماأعجبني وماصدقت انقل منه بعد 5 أيام
فندق موقعه داخل "زوق" بالقوة تدخل السيارة ومنطقة ضجيج وغير صحيح انه على شارع الحمراء بعيد غير كذا مافي لوبي وفيه مطعم وكافي وجباته "قليله" وماهي "لذيذة "على قد الحال وحتى موظف الاستقبال اخذ الفيزا وكمل المبلغ وماطلني يقول: انه اشعار الفلوس ماوصل من البنك ولمن دروا انه ابغى ارفع شكوى عجلوا بانهاء استبدالي للفندق.
بصراحة غرف ضيقة وتكييف سيء جداً والأسوأ من كذا "بيت الراحة" الحمام صغير كأنك في حمام طائرة والمويه تنقطع والكهرباء بين فترة وفترة وشبكة النت ضعيف مرة والفطور غير متنوع الوجبات نفسه كل يوم وعصير برتقال معلب يقدم كل يوم وفيه مصعدين واحد يكون عطلان في احيان كثيرة وضيق جداً يعني اثنين بالقوة. وحتى القنوات التلفزيونية قليله وغيارات الغرف بعد طلوع الروح يغيروها ومافيه مشروبات وممنوع الزيارة لأي أحد يجيك في الغرفة وحتى لبس الموظفين في الاستقبال ماهو مرتب..
توبة اني اجي مرة ثانية هذا الفندق والحمدالله اني تركته وعلشان كذا انصح بعدم السكن فيه وما أدري غالي على أيه؟؟؟؟؟؟؟؟؟؟؟!!!

طيب ممكن تنصحوني بسكن حلو بالموقع وبالسعر المعتدل

ali_ksa33
بلازا هوتيل نظيف وسعره معقول
وأيضاً فندق بلس بجوار الجامعة الأمريكية

إذا كانت ميزانيتك على قدك خذ فندق لي بيروت موقعه في عين المريسه.
وفي فندق ثاني أحسن منه اذا كانت ميزانيتك حلوة اسم الفندق بالم بيتش بعين المريسه
واذا تبغى في حي الحمراء عندك فندق كورال الحمرا أو فندق كافليير

أنا ابي سكن موقعه حلو وقريب من الحمراء والروشه
ونظيف وشغل مرتب ،، يعني ابي ارتاح فيه

انت كم حاط ميزانية للسكن في اليوم الواحد بالدولار حدك كم؟

بصراحة انا ابي مكان موقعه حلو ، ومايهمني السعر بالتحديد ، أهم شئ لايكون السعر مبالغ فيه

شوف عندك الحمرا منطقة حلوة وعلى حسب فيها فنادق حلوة كثير واذا دخلت موقع البوكنق حتحصل
لكن عندك فندق كراون بلازا هذا رائع وموقعه مرة حلوة
واذا تبغى في منطقة عين مريسه عندك فندق بالم بيتش حلو وموقعه ممتاز