حياك اخوي ..
بالنسبة لفرنسا طبعا تقصد باريس .. واذا انت معزم عليها يفضل انك تروح لها اول 3 ايام بس لانها كافية وبعدين تنتقل للنمسا فقط .. لانو راح تكون عليك صعبة لو تروح لسويسرا ..
لكن اذا بتكنسل باريس .. ممكن يكون برنامجك شامل النمسا وسويسرا .. بشرط الوصول من دولة والعودة من اخى ( فيينا - جنييف .. او العكس .. او فيينا - زيورخ .. او العكس ..
ابي رأيك بكلامي .. وبرضوا ابي معلومات عن حجزك اذا كنت حجزت والمدة ؟؟

الصراحه اشكرك على الاهتمام والرد سريعا .
من جد انت ماقصرت مع 99 % من اعضاء هذا المنتدى ..
الصراحه خط سير رحلتي حاليا
الذهاب الرياض - فيينا في تاريخ 7 نوفمبر 2009
والعوده باريس - الرياض 26 نوفمبر 2009
طبعا اكيد الوقت بدري لكن انا بطبعي احب ارتب الامور من بدري ..
حاليا حجزت ولازم اشتري التذكره خلال يومين خصوصا انه سعرها مره كويس
حدود 1200 ريال للشخص الواحد ..
انت وش رايك وعطني البرنامج المقترح والمفضل من خبرتك الواسعه في هذا الامور

حياك اخوي ..
انت والاعضاء اخوان وحبايب .. وخدمتكم شرف لي .. وما ابي الا الدعاء وانا اخوك ..
بالنسبة لكلامك انو بدري وانك تحب تخطط بدري .. انا هنا ارفع لك القبعة .. واقولك راح ترتاح وترتب على روقان .. وهذا هو عين العقل .. انا رحلتي في مايو القادم وجالس ارتب من الحين ( بس لاتقول لاحد ترا انت اول من يدري ) لاني ناويها رحلة ماحصلتش ..
المهم ..
شوف حبيبي انت رحلتك باذن الله 19 ليلة .. وهذا برنامج مبدئي ابي رأيك فيه :
فيينا 3 ليالي
سالزبورق 3 ليالي
زيلامسي 5 ليالي
ميونخ 2 ليلتين ( بالطيران الاقتصادي الى فرنسا )
ديزني لاند 2 ليلتين ( عشاني احبها وليلتين يعني يوم كامل سعة صدر .. وهي اختيارية اذا انت تحب المتعه وانا اخترتها بحكم طول المدة .. وممكن تضيف ايامها او توزعها بين المدن )
باريس 4 ليالي
بخصوص سويسرا .. ممكن تزورها .. ولكن نلغي سالزبورق وميونخ .. وتروح لباريس عن طريق زيورخ ( يعني زيلامسي >> انترلاكن >> زيورخ >> باريس )
هذا تخطيط مبدئي .. وانتظر رأيك ؟؟

شوف اخوي الخطير
برنامجك مثل برنامجنا بالضبط بس انا سفري بشهر اوغست
وسيت لي برنامج متعوب عليه اذا تبيه ارسلته لك للنمسا وباريس
وعلى فكرة انا 15يوم وانت 19يوم يعني تقدر تطول الايام او تضيف سويسرا
انا فينا3ايام سالزبورق3ايام زيلاماسي 4ايام وبالطيران الاقتصادي الى من فينا الى باريس اربع ليال وليلة بدزني
انت تقدر تطلع من زيلاماسي لميونخ واجلس يوم وبعدين انترلاكن خطيرة تندمت اني ماضميتها لسفرتي لكن ان شاء الله السنوات القادمة 4ليال ومنها لباريس كذا يصير ياسلام

بيمو جزاك الله الف خير ..
انا بكره راح ادفع فلوس التذاكر عشان ماتروح علي وبعدين اشوف ترتيب البرنامج كيف يكون
الصراحه كل برامجك خطيره ..
راح اتناقش معك كثير في هذا الموضوع .
اهم شي عندي كان تثبيت مكان الوصول من السعوديه والعوده من هناك ..
راح اخليها نفسها باذن الله ..
عندي سؤال اخر .. كيف الاجواء هناك في هذي الفتره .. يقولون برد ..
بالنسبه لسفرتك .. هذا شرف لي اني اكون اول واحد يعرف بهذا الشي ..
يارجال انت من دون تخطيط سفرتك راح تكون روعه ..
ماشاء الله تبارك الله عليك ..
فوفووس . شكرا لك على المرور ..
راح اشوف وش المناسب بعدين اقرر ..
الله يعطيك العافيه

الله ييسر امورك يالغالي .. وانا بانتظارك ،،

الاخ بيمو تم شراء التذاكر اليوم الحمدلله ..
نفس خط الذهاب والعوده
الذهاب يوم 7 نوفمبر من الرياض الى فيينا
والعوده يوم 26 نوفمبر من باريس الى الرياض
انا اشوف كل البرامج اللي ذكرتها حلوه الصراحه بس انت وش احسن من وجهة نظرك .
يعني اروح ميونخ وسالزبورق او اخليها لانترلاكن وزيورخ .. وش الافضل والفرق بينهم ..
اسئله عامه .. الجو في هذي الفتره كيف راح يكون ..
الميزانيه المقترحه والتقريبيه لهذي المده في هذي المدن ...
ملاحظه الفنادق مو شرط تكون 5 نجوم .. ممكن برضوا 4 نجوم ..
انا عارف اني اتعبتك بس سامحني

والله يا اخوي اول شي مبروك الزواج انا رأيي الجدول الثاني الي في سويسرا لانه ما تعوض والراي لك ولااخوي بيمو اشوف ممكن اضافة ستراسبورغ الفرنسيه الرائعه والهادئه وللمعاريس مثلك تبعد 3ساعات ونصف من ميونيخ وقريبه منه اليورب بارك برايي الجدول الافضل مثلا فينا 4 ايام زيلامسي 5 ايام وتقدر اتزور سالزبروغ بشكل يومي لانه قريبه ثم ميونيخ 4 ايام وستراسورغ الفرنسيه يومين وباريس 4 ايام راح تكون رحلت الاحلام ان شاء الله برايي واسئل اهل الخبره على هاذا الجدول وراح تلقى انه سهل وحلو واي ايضاحات لهاذا الجدول ممكن اساعدك لاني انا راح اروح ان شاء الله لنفس هاذي الرحله بشهر سبعه بس الفرق بدال باريس اخر شي جنيف ولك الاختيار

شكرا لك حبيبي ..كل الردود راح احطها في عين الاعتبار ..
الان عندي وقت كافي للمقارنه وكل شي..
الله يعطيك الف عافيه
برضوا انا منتظر اصحاب الخبره يفيدوني بكل شي