تروح وترجع بالسلامة
نفس مخططي بالضبط والتاريخ يصادف تواجدي بالمغرب
ولكن التأجير يسري على الرخصة السعودية
كازا ومراكش من افضل ما اخترت
وان شاء الله بقية الاخوان يساعدونك بالمعلومات المطلوبة
ولكن عندي سؤال : على اي خطوط حجزت ؟ وكم سعر التذكرة ؟

knkn999
السلام عليكم ورحمة الله وبركاته
الاخ الكريم
تحية طيبة
فكرة جميلة جدا جدا لانك تستطيع ان تكون حر في الحركة في اي وقت ولاي مكان ولا ترتبط لا بسواق ولا بتاكسي
وتذكر اذا جيت تستأجر سيارة ان تكون جديدة موديل السنة واذا على المدة الي قلت تقدر تحصلها من 250 درهم الى 300 درهم وانت وشطارتك وعلى قد ما تكاسر انت الرابح وكل ما كان عدد الايام اكثر كل ما نقص سعرها ويفضل يكون معاك بطاقة فيزا ولا تنسى ان ايجار السيارة باليوم غير محدد بكيلو مترات معينة والرخصة السعودية تقبلها مكاتب التأجير بس الله يعينك على سعر البنزين لانه غالي بالمغرب وتأكد ان الفندق يوفر مواقف سيارات والتزم بالسرعة المحددة لاي طريق لانهم ما يلعبون . وان شاء الله الاخوان يفيدونك اكثر .
تقبل مودتي وتقديري,,,,,
ماهرمحمد

تاجير سيارة افضل اذا عندك ماجلان

الله يعطيكم العافيه
شوركم وهداية الله
اجل شكلي بدخل اغادير بالخطه
اربع ايام ثلاث ثلاث
اخوي ابو نواف حجزت قبل شوي تاريخ 21 الذهاب والعوده 2 اكتوبر يعني على الخطوط المصريه
اخذتها ب 2171 ريال
الذهاب حلوه ثلاث ساعات ترانزيت بس المشكله بالعوده بنتنقع بالمطار 12 ساعه بحاول اشوف سكن وقتها

الله يوفقك اخوي ...
انا بالى استئجر سياره بالمغرب ...
بس ياليت الاخوان بالمنتدي يوضحوا لنا الانظمه و القوانين المروريه بالمغرب التى تختلف عن انظمتنا ؟
بالتوفيق .....

ينقل للاستفسارات
امل بالمره القادمه عدم طرح الاستفسار في القسم لعام
https://artravelers.com/p/re/583562

في الحقيقة بما انكم قررتم استئجار سيارة فتوكلو والله المعين .....
في الحقيقة انا لا ايد الاستئجار لمن يزور المغرب اول مرة ....
مثل ماقال الاخ في الخطوط بين المدن لا تتجاوز السرعة المحددة ..حتى لو شفت نص الي بالطريق طايرين عنك ...
داخل المدن وهاي اصعب .... القواعد العامة المعروفة الوقوف عند دخول من طريق الى طريق الانتباه الى الاشارات الضوئية ...اعطاء الاولوية حسب اللوحات ..... الانعطاف اذا في فتحة في الخط المرسوم ع السكة .... الخط المتصل لايسمح بالانعطاف عليه .... الودوارات .... دوراتهم عجيبة ..... ممكن يكون نقطة بالسكة ....
حاول دايما لاتكون في المقدمة شوف الاخرين ايش سون سوي زيهم ..... ممكن الشرطي يوجهك فلا تتكلم بكلام يبين انك خليجي .... لا تقول لايوجد شرطي هنا ...لانهم ماشاء الله عليهم موجودين في كل مكان ...مراكش الاصعب لوجود الدبابات (المتور) وكمان لهم انظمة اعقد ..... فيه كم اشارة ماتفهم مين يروح ومين يوقف .....كمان لا تنسى كل ماتوقف بمكان بيجيك مدير المواقف ههه لازم تعطيه ..... حسب الوقت من 2 درهم الى الليلة 10 دراهم

اخوي تروحون وترجعون بسلامه
ولاكن لابد انك تتوخى الحذر في السواقه وتطبيق الارشادات المرورية بحواذفيرها حلوه ذي
اولا : المطلوب عند استئجار السيارة :-
1- استئجار السيارة اخر موديل او اقل بسنه على الاقل .
2- تشييك على السيارة من ناحيه البدي عدل من الداخل والخارج .
3- تشيك على سلامة انظمة السيارة من جميع النواحي لاتستهين فيها .
4- التاكد بجميع اوراق السيارة الصالحة للقيد بتاريخها واثباتاتها واهم شي الظمان وورقه تاجير السيارة .
5- صورة من جواز السفر + البطاقة الفيزة .
ثانيا : المطلوب عند القيادة بالسيارة :-
1- التقيد التام بتعاليم السير العام بالمملكة المغربية .
2- عدم التهاون في سير .
3- التقيد بالسرعة المحدده للشارع حتى لو ماشفت شرطي تره يطلعلك مثل ابليس ماتدري من وين طلع .
4- اذا تم مخالفتك ادفع 200 درهم وفك بالك لانك اذا مادفعت بتدفع فوقهم بعد 200 درهم المجموع 400 درهم + سحب الرخصة وعوار راس لين تفك الرخصة مرة ثانية من مركز المرور ديالهم وكل واحد بنطلك بالمركز يبغي اكرامية صدقني
انتبه وانت تسوق لاتشوف يمين ويسار وتنسى الشارع تره الي امامك لهم حق عليك فانتبه احسن