قطر المسافرون العرب
أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السموحة منك اخوي
اول شي ان شاء الله توصلون بالسلامة لقطر الاقتراح يكون كالتالي :
طبعا تسكنون بفندق المروج بغرفة ثلاثة اسرة لان الفندق حلو ونظيف وتاخذون هذي الغرفة :
وتتصل فيهم وتعمل حجز على الهاتف: +9744422426 وتطلب منهم رقم المدير العام حتى يعطيك سعر حلو لان مديرهم خوش ريال .
طبعا اول يوم توصلون لازم تريحون يعني الاثنين يالله توصلون وترتاحون وتتعشون وتنامون
يوم الثلاثاء : تروحون السيتي سنتر طبعا تتغدون وتاخدون بطاقات سينما وتشوفون فلم وبعد الفلم على المسا تروحون مجمع اللاند مارك تتمشون فيه وتتعشون وتردون الفندق تشوفون فلم في الام بي سي 2 وتنامون.
يوم الاربعاء : تروحون مجمع فلاجيو اخر مجمع حديث في الدوحة وحلو ببنائه وديكوراته وطبعا تتغدون فيه وعلى الساعة اربعة ونصف تروحون حديقة الحيوان لانها قريبة منه وتتمشون فيها وتشوفون الحيوانات بمختلف انواتها وعقب تردون لمجمع الحياة بلازا تاخدون العشا وترجعون للفندق للراحة .
يوم الخميس : تروحون تختارون بيبسي وميرندا وماي وحب للتسلية وبسكويت وتروحون على امسيعيد ومنها على سيلين لان يوم الخميس بعد الظهر الناس كلها تروح هناك وتشوفون طعوس الرمل والتفحيص والسكوترات ، تأجرون سكوتر حق الرمل وتتسلون لحين العشاء وان كان عشاكم معاكم تتعشون وعقب الجلسة على البحر تردون الدوحة لان خلاص تكونو تعبتو من الحر والرمل .
يوم الجمعة : تروحون السيتي سنتر تتغدون وتطالعون فلم وترجعون لاهاليكم بالسلامة