سويسرا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
ابومناري
26-09-2022 - 05:08 am
مساء الخير للجميع
ودي اسأل وش الفرق بين السويس باس و swiss half والا كلها واحد ووش تنصوني فيه خاصة اني بجلس بسويسرا ما بين 9-8 ايام
وشكرا


التعليقات (9)
Medo 77
Medo 77
السلام عليكم ورحمة الله وبركاته ::
اذا كانت الرحلة تنقلاتك فيها بالقطار ..تاخذ السويس سيفر باس لشخصين ...لمدة ثمانية ايام .
واذا كانت بالسيارة ..ومخطط تزور قمة اوروبا في انترلكن ..وكذاا قمة معاها ..تاخذ السويس هاف فير كارد .
(تعطيك خصم 50 % على التنقلات بالباصات والقطارات والتلفريكات والقطارات الجبلية )
وهذا الموضوع للافادة :
السويس واليوريل باس - تقرير وشرح مفصل https://artravelers.com/p/re/62167
وبالتوفيق

ابومناري
ابومناري
ميدو ياقلبي
شفت الموضوع وجدا سهل ولكن عجزت افهم
هل فيه مكاتب بالرياض اقدر اشتري منهم البطاقة سويس باس ؟
لان اخاف الخبط معهم هناك بسويسرا بحكم ان انجليزيتي الله بالخير

Medo 77
Medo 77
لا تشتريه من هنا ..نصيحة ..
اول ما توصل مطار جنيف ..ممكن تشتريه من المحطة .
واسمه بسيط :
swiss saver pass for 8 days - 2 Adults
اكتبه في ورقة لو تبي .

أبو رياااااااااان
أبو رياااااااااان
انصحك باستئجار سيارة في سويسرا
سويسرا بدون سيارة ما تسوا بصراحه
اوفر واجمل

ابومناري
ابومناري
Medo 77
مشكور ميدو بأكتبها بالورقه ترا انا بأقصها من محطة لوغانو اول مدينه سويسريه

ابومناري
ابومناري
أبو ريان
والله يابو ريان قلبي يفحط فحط اسوق بسويسرا بس مدري قلبي واش من هالموضوع انجليزيه معدومه وفوق هذا خايف من التضيٌع اعرف نفسي لو ضيعت بالطريق والله ان يقفل جويي يوم كامل

أبو رياااااااااان
أبو رياااااااااان
ابومناري
القارمن يكفيك التضييع وبالنسبه للانقليزي ما راح تتكلم مع احد
يبي لك قلب يا رجال
وصدقني من يسوق بالرياض وبدولنا العربيه يسوق في سويسرا وهو مبسوط
نظام وامان وما تشوف حادث
والله المفروض تكون خايف تسوق في الرياض مو هناك
بالتوفيق

ابومناري
ابومناري
أبو ريان
المقصد جبال وضيعه ومدري وشو انا جربت القارمن بالرياض كتجربة يارجل صح ان يوديني مع طريق صح بس مع اصعب الطرق احيانا اضيع
ياخي والله مدري حيرتني

M.O.M
M.O.M
يا ريت عندي الجرأة وأسوق في سويسرا
لأن بالفعل حابه هالسنة أجرب السواقه وما آخذ السويس باس بس خايفه لكوني إمرأة
خايفه من إني أضيع الأماكن مع إني أشوف كل الأعضاء اللي يحطون تقاريرهم وهم مستخدمين السيارة وايد ايجنن
لأن بالسيارة تقدر توقف المكان اللي يعجبك، لكن التنقل بالقطار ينقلك من المحطة اللي إنت فيها للمحطة اللي حاب تروح لها من غير توقف
يعني لو تشوف مكان روعة تحلم إنك تقدر توقف هناك دام إنك بالقطار
والسنة الماضية أشتريت السويس باس ما أعرف إذا في أسماء ثانية أو في فرق بين سويس وثاني
المهم التنقلات كانت بالسويس ولا أسهل
شجعوني أسوق في سويسرا عطوني حافز مع إني أسوق في بلدي من 13 سنة بس برا دولتي ههها ما جربت
بالتوفيق للجميع إن شاء الله


خصم يصل إلى 25%