السوق:
الاوكسفورد (اغلب المحلات المتواجده عندنا مثل نكست و دبينهامز و ويلز و نيولوك ...الخ بالاضافه سليفريجيز ومحلاات اخرى) راح ياخذ منك يومين او 3 ايام تسوق ولا تنسون بريمارك احلى وارخص محل
الريجنت ( لا تفوتين توب شوب عجيب عندهم - H&M - زارا - بيربيري - A&F تحصلينه بداعوس عند الخطوط التونسيه - Cos - ارماني - ليبيرتي ) واشياء ثانيه وياخذ بعد يومين ثلاثه
بوند (مارحت له لان كله ماركات وانا اختصرت الوقت بهارودز لان اغلب الماركات فيه اهوا وسيليفريجيز و الويست فيلد)
كوينز واي (مجمع الوايتليز) وبره في جم محل سوفينير على محلات جزم
هامرسميث (مجمع الكينغز مول) محلاته نفس الاوكسفورد
ويست فيلد مول في منطقه الشبيردبوش (شامل الاوكسفورد والماركات مثل ديور - LV - ميو ميو - جيمي تشو .. الخ)
عندج اوتليت بيكستر فيليج خارج لندن حلو في ماركات وفي اشياء عاديه مثل : ديور - فورغامو - غوتشي - فيرزاتجي - فيفيان ويست وود - D&G - بيربيري - بولو - DKNY - CK - هاكيت - مونسون - جيمي تشو
كلهم باسعار مخفضه
طبعا هارودز بالنايتس بريدج مع هارفي نيكلز وجنبهم محلات ثانيه
بلاك بول فيها الالعاب
اقرب منها عندكم برايتون هم فيها العاب
في بعد مدينه بيرمنغهام فيها سوق وفيها مصنع كادبوري
اماكن وناسه لكم كبنات:
تتمشون بالهايد بارك
تقهو بهارودز بالتشوكليت بار
مطاعم البيكاديلي
متحف الشمع اذا تحبو تتصورو مع مشاهير تحبونهم
سينما
مسرح ( مسرحيه لايون كنغ - ويكيد - اوليفر )
تروحون جوله بالنهر (في قوارب عاديه وفي شركه عندها القارب السريع الي من الخلف فيه مثل مروحه عرفتيه)
في متاحف وقصر الملكه و تقريبا في كل يوم وترك الساعه 11 عرض تغير حرس القصر
في خارج لندن مزارع تقطفون فواكه
هذا الي اذكره حاليا
واي شي تبين بس ذكريلي نوع النشاطات الي تبونها ( متحف - مطعم - سوق - العاب)

Just women
العفو ولوو

travel-aholic
انتظر ردك

بيكستر فيليج: تطلع لها من محطه ماريليبون الى محطه بيكستر نورث وتبعد عن لندن ساعه
وبعدها تركب تاكسي باص تقص تذكرته من المحطه ويوصلك للاوتليت
طريقه الوصول بالاندرقراوند : طبعا اهيا الارخص لان تذكره اويستر اسبوع 28 باوند مفتوحه
الى ماريليبون:
في خيارين الاقرب اذا انت بالاجواردرود تنزل المحطه وتروح الى محطه ماريليبون
او اذا انت بالاكسفورد تروح محطه الماربل ارتش عالخط الاحمر الى محطه بوند وبعدها تبدل القطار الى الخط الرمادي وتتجه الى بيكر ستريت وبعدها تبدل الى الخط البني وتتجه الى ماريليبون
او انك تدفع فلوس للتاكسي بقيمه البطاقه

اختي اضافة للي اذكروة
انصحك تجربين مطعم اسمة سفرة تركي له فرعين
الفرع الاول في اكسفورد ترحون من وراء محل جاب مكان إسمه st christopher place فيه أكثر من مطعم ، منهم مطعم carluccio (له أكثر من فرع في لندن ).
ومطعم سفرة التركي sofra (عنده فرع خلف فندق الهيلتون في البارك لين قريب من السفارة السعودية
اكلة مرة حلو وسعرة مناسب واجد

مره مره مره شكرا ماقصروتوا
بطبع كلامك عشان اذا رحت هناك بفهم اكثر :$
اناا امم ابي العاب وناسه اكثر شسي :$ وابي مطاعم تنصحوون فيها اهم شي اكلها حلو
وعندي استفسار :$
بخصوص شركات الججوال
ايش افضل شركة ؟ واحد عنده خلفيه لو ابي اشتري بطاقة جوال وافعل خدمة البلاك بيري كيف :$
وماقصرتوا يعطيكم العافية

عذوب
الله يسعدك
بخصوص خط الجوال افضل شيء ليبرا وارخصهم
بس للاسف ماتقدرين تفتحين عليه البلاك بيري
الفودا فون اعتقد هو اللي يصير
لاني استخدم خطي القطري في البلاك بيري