اسمحلي اخوي لأني بكتب لك اللي عندي بالمختصر المفيد
افضل انك تسكن في ادجوارروود او اكسفور او كوينز وي لأن هناك تجمعات عربيه كثيره والمطاعم العربيه حولك وممكن يفيدونك في الرحلات واذا كنتو شخصين ممكن تاخذ استديو صغير توفير للماده
بما انه الرحله 7 ايام وهي قليله لازم تستغل الوقت يعني انا مثلا لما اروح ساعات نومي ماتزيد عن 6 ساعات وتعب السفر له حلاوه خاصه ...ونصيحتي لك انك ماتضيع وقت الصبح في النوم خاصتا في لندن
حلو انك تنزل كوفي شوب وتتقهوا وتفطر عالصبح وتشوف الحياه العمليه عندهم شلون
في بعض الرحلات ماتقدر تروحها الا الصبح .. مثل متحف الشمع (مدام توسو)
و
سوق شابربوش (الشعبي)
الأسواق طبعا عندك أكسفورد .. وهاي ستريت .. بوند ستريت .. هذول الأهم والأقرب لك
وعلى فكره يومهم طويل وتسكر الأسواق الساعه 5 بالمسا بتوقيت لندن
بالنسبه للحدايق والتمشيات .. في عندك الهايد بارك معروف العرب يتجمعون فيها من العصر الين ماتغرب الشمس الساعه 9 تقريبا بتوقيت لندن
بعدها الناس تتجمع في القهواي والمطاعم اللي في منطقة ادجواار روود او مجمع الوايت ليز في كوينز وي
وعادتاً الشباب يروحون منطقة بيكاديللي فيها قهاوي وألعاب وقعدات شبابيه(وهذا المفضل لشبابنا)
تقدر تروح برج الحمام .. مافي واحد يروح لندن مايروح يصور هناك
عندك الباص السياحي يدور على لندن وأحلا شي يكون بالليل ..
اخر شي اتذكره .. مدينة الملاهي ثورب بارك تبعد عن لندن تقريبا نص ساعه فيها العاب حلوه وممتعه
اتمنى اكون افدتك ومانسيت شي
بالتوفيق انشاالله تكون احلا رحله

نصيحة منى لك ..الابتعاد عن لندن وشوارعها والتوجه الى اطرافها وبلدات الريف ..فلندن يتواجد فيها عدد كبير من العرب والجاليات الاخرى من الاكراد والاسيويين..فبالتالى فرص النصب والاحتيال والمضايقات كبيرة..فاذا كنت تريد الاستجمام وراحة البال ومشاهدة كل جديد بعيدا عن اجواءنا العربية التقليدية الرتيبة فعليك بالريف الانجليزى والمدن الاخرى مثل بلاكبول وليفربول .. وشكرا !!

ممكن تركب لندن آي london eye بسعر 15 جنيه وهي عربة فيها العديد من " الكبسولات" تدور ببطئ لمشاهدىة معالم لندن وهي تقع على نهر التايمز.
وتدخل الأكويريم بجنبها

السلام
لندن فيها أشياء كثيرة لازم تشوفها بس هذا يعتمد على ذوق كل شخص.اذا كنت من النوع الي يحب يتعرف على كل شي فأنصحك أنك تسكن بفندق الهيلتون هايد بارك أو الانتر هايد بارك كورنر. الفندقين موقعهم أمام الهايد بارك ويقعون بالمنتصف بين شارع النايت برج وشارع أكسفورد ستريت.وكذلك تبعدهم مسافه قليلة عن لستر سكوير مكان تجمع الناس بالمساء حيث يوجد فيها أكثر من 8 سينمات ومطاعم ومقاهي متعددة.بالأضافة إلى الأستعراضات التي يقدمها الناس هنالك.
أول ماتوصل خذ تور سياحي على المدينة بباصات لندن المشهورة.ثاني يوم يمكنك أنك تزور متحف الشمع بس لازم تأخذ التذكرة من الأوتيل أو من قروب سياحي ولا بتصف بلاين طويل.
أنصحك أنك ترتب جدولك بحسب قرب الأماكن من بعضها.لان التكاسي بلندن غالية.
الأشياء الي زرتها بلندن وبأعتقادي أنها ماتستحق الزيارة حديقة الحيوان ولندن أكوريوم(معرض الكائنات البحرية) الذي يقع على ضفة التايمز بجانب لندن آي.
الأشياء الي تستحق الزيارة لندن ميوزيم،متحف الشمع،رحلة في النهر(التايمز)،لندن آي،سوق بلو وتر (يبعد عن لندن 45 دقيقة بالقطار فيه مطاعم وسنمات ومحلات مثل الموجودة في أكسفورد ستريت)ناشنل هستري ميوزيم،أقرب ملاهي ثروب بارك (لاتروح بالتاكسي ولا بياخذون عليك 300ريال)شارع النايت برج وفيه محل هارودز والعديد من المحلات الآخرى.كوفنت قاردن قريبه من الستر سكوير وهي سوق بطابع قديم وفيها مطاهم ومقاهي وأستعراضات.

مشكورين يالربع ما قصرتوا والله
أخذت معلومات حلوه منكم وإذا إستجد شي علي مالي غنى عنكم بأرجع لكم
ألف شكر...