1. السلام عليكم


2. هذه اول مشاركه لي بالمنتدى وارجو ان تكون مفيده.

السلام عليكم

هذه اول مشاركه لي بالمنتدى وارجو ان تكون مفيده.

من المعلوم ان وسائل النقل في لندن متعدده (التاكسي، الباص، مترو الانفاق، التاكسي النهري….الخ) وكل له مميزاته وعيوبه. انا جربت المترو والباص والتاكسي. طبعا افضلها وامتعا وارخصها هو الباص بالنسبه لي. الباص فيه ميزه انه يطلعك على الاماكن اللي تمر فيها واللي ممكن تعجبك وتحب تنزل فيها هذا مقارنه بالمترو(خاصه اذا ركبت بالدور العلوي)، ومقارنه بالتاكسي فان الباص ارخص بكثير من التاكسي. سعر تذكرة الباص اليويمه هي 3.5 باوند وتقدر تستخدمها لجميع الباصات ليوم كامل. طبعا اذا تبي تدفع حق مشوار واحد للباص بيكون 2 باوند للمشوار يعني من الاوفر ان تاخذ تذكرة يوميه.واللي بيجلس مدة طويله هناك بطاقات اسبوعيه او اسبوعين او شهر وهكذا ويسموها اويستر كارد. بجي على ميزتها بعدين.
المترو هي كذلك من وسائل التنقل الرخيصه بلندن. سعر التذكره اليوميه تقريبا 5.7 باوند للمنطقتين 1 و 2 وهم غالبا يغطون معظم الوجهات. تجربه جميله كل واحد يزور لندن عليه ان يركب المترو ولو لمره واحده. راح يتعجب من الاعماق تحت الارض حتى يصل الى موقف القطار. كيف حفروها!!! بصراحه ابداع مو بس كذا السؤال من متى وهي موجوده!!. المهم ان المترو يوصل تقريبا لكل المناطق المهمه واسرع من الباص. بس انك ماراح تشوف شي وبكذا ماراح تعرف لندن صح. اللي بيجرب المترو انصحه يجرب يروح من محطة البوند ستريت الموجوده بنص شارع اكسفورد وياخذ جوبيلي لاين الى الوست منستر اللي هي محطة البغ بن. ومنها يستمتع بالقطار ويشوف البق بن ولندن اي ويشوف كم الاعماق تحت الارض. طبعا نفس القطار هذا يودي من تحت نهر التايمز الى محطة الوتر لوو اللي فيها قطار فرنسا (اليوروستار).
احب اذكر ان المترو ممكن يستخدم للتنقل من مطار هيثر الى وسط لندن وبالعكس وبسعر تقريبا 5 باوند. اعتقد انه مناسب جدا للي ما عندهم شنط كثير.
ذكرت بالاعلى بطاقة الاويستر وهي عباره عن بطاقه تستخدم للباصات والمترو بنفس الوقت او احداها طبعا اذا تبي بس للباص او المترو بيكون سعرها غير عن سعر الاثنين. سعر البطاقه الشهريه للباص تقريبا 54 باوند واذا مع المترو بيكون تقريبا 98 باوند. كذلك الاويستر كارد ممكن تكون بطاقه مسبوقة الدفع يمكن تشحن بمبلغ يعني مش محدده بوقت وتخصم من رصيد البطاقه كلما استخدمتها.
اعتقد طولت كثير واذا بواص الكتابه ماراح انتهي لان الموضوع كبير وممتع بنفس الوقت.
تحياتي للجميع.