والله اني حبيت المنتدى بسبب اعضائه ومصداقيتهم وخوفهم على بعض.. ومن سنه وانا اتابع
ومن كثر كلامكم عن كيرلا قررت السفر اليها ..وبعد مشاهدتي لكثير من التقرير اعجبتني جدا
وبعد حروب طاحنه انا وزوجتي سيطرة ام العيال على الوضع وقنعتني بالسفر لتلك المدينه لكثرة ترددي ...
هلا فيك أخوي ... وحياك ربي وبياك .. وسدد على الخير خطاك ..
نفس السالفة صارت معي .. والحمدلله أقنعته ..
وصدقني راح تشكرها على إختيارها لكيرلا ..
مالكم بطوالتها (ولعلمكم ورطوتني بس احس انها احلا ورطه)
بتشوف بعينك بإذن الله
دقيت على مكتب جهاد وعطيته موعد السفر لمدت 13 يوم 12 ليله الهبوط كوتشن الاقلاع كوتشن
وارسلي باكيج يتضمن ماياتي
وصول كوتشن المبيت هولي دي اين
اليوم الثاني الذهاب الي مونار والمبيت في مونتين كلوب لمدت ثلاث ايام
اليوم الخامس الى تكادي والمبيت في جرين ودز لمدت يومين
اليوم السابع الى كوماركم والمبيت في كوكونت لاغون لمدت يومين
لو تقدر خليهم يستبدلونه ب (( لاك ريزورت أو زورى ))
حلوة وأحسها أمتع.. خصوصاً لو بتاخذ مع السكن مسبح خاص ..
اليوم التاسع الى كوفلام والمبيت في ليلا كمبنسكي لمدت يومين
اليوم الحادي عشر الى فركالا والمبيت بفندق تاج يوم واحد
لو تستغني عنها .. حلو ..
مع اني أتوقع أنها جميلة ..
اليوم الثاني عشر كوشن والمبيت في فندق دريم يوم واحد
ولو يستبدل برمادا حلو ..
غير كذا بإستطاعتك زيارة الشلالات لمدة 3 إلى 4 ساعات ومن ثم العودة لكوتشين .. والتسوق ..
وفيه مدينة ملاهي (فيجالاند ) بتمتع العائلة كلها ..
اليوم الثالث عشر مطار كوشن
تكلفة الرحلة(3483) عدد افراد الاسرة زوجتي ووالدي وابني16 وابني 3 سنوات
ملاحظاتي اولا
اول يوم ماراح استفيد من كوشن لاني راح اكون مواصل وتعبان لاني سوف اذهب من المدينة المنورة واصل مطار الرياض الساعه7 المغرب واقلاع من الرياض الساعه3 فجرا لذلك سوف اصل كوتشن متعب
معك من توصل للرياض إلى أن تقلع أكثر من ست ساعات .. تقدر تنام وترتاح فيها ..
وغير كذا الطيران 4 ساعات ونص تقدر تنام وترتاح وحتى بعض الي معك بينامون ..
ثانيا وصولي اخر يوم كوتشن لاستفيد منه كثير
السبب (( ام العيال تبي الاسواق وانا ابي شلالات اثيرابالي )) وياخوفي لانكسب لاذي ولاذي
والرحله لام اعيالي ماودي ازعلها
انا سويت حل اشاوركم فيه الغي فركالا واذهب لكوشن حتى استفيد يوم باكمله بكوشن تسوق.....
من وجهة نظري حلو تلغيها ..
لأن حط في بالك الطرق طويلة شوي وتاخذ من ساعتين إلى أربع إذا مو زيادة..
والطرق حلوة مررة خصوصاً طريق مونار كله مرتفعات وجبال ..
وإذا عندك أحد يجيه دوار ، لازم يكون معاكم حبوب الدوار ..
هيا اعطوني رايكم
1) السعر مع مراعات عدد الاشخاص اربعه وطفل وغرفتين بكل فندق ومنتجع
ما اعرف كم يساوي بالريال ..
وغرفتين مناسب لكم ..
2)الفنادق والمنتجعات (مع مراعات اني ابي اضغط عليهم اذا عطيتوني اخر يومين بكوشن اسكن برمادا ) رائكم فيها يهمني
3) مراعات المسافه بين كوفلام وكوشن كم ؟ اذا لغينا فركلا ((مرعات معي طفل3 سنوات الباقي يتحملون)
يتحملون المسافات وبينامون .. أصلاً يعطون الرحلة جو ..
خصوصاً لو سيارتكم باص صغير ..
ما أعرف كم المسافة بس ريحوا بالطريق شوي خصوصاً معك رجل كبير بالسن ..
4)هل اغير منتجع كوكونت لاغون بنتجع زوري او يوم هنا ويوم هنا
غيره أفضل..يا ب زورى أو لاك ريزورت ... بدل التنقلات الكثيرة ..
واخيرا اتمنى من جميع الاعضاء لايبخلون علينا تراها سفرة ام العيال تكفون بيضوها معي الله يبيض وجيهكم
نداء خاص صمت ثائر ...اجنحه بلاريش..مونار.. الجبل الاخضر... شيكو ريكاتو.. ابو راشد التميمي ..العراف الاول..درب يسد ولايرد.. ولايهون الجميع هذا من يحضرني اسمائهم بما انهم ورطوني بالسفرة
ان حليتوها وعد مني اذا جيت بالسلامه لكم تقرير خرافي (((ملاحظه بسيطه موعد السفر وصول رحلتي يوم29jun الساعه9 صباحا
أصلاً إذا وصلت الصباح كوتشين .. تقدر تزور الشلالات وترجع قبل المغرب ..
وتنام من بعد العشاء ..
ومغادرتي يوم11jul الساعه12 وربع
بالهجري26 شهر سبعه
إن شاء الله أكون أفدتك ولو بشيء بسيط
وياليت لو تاخذون معكم مؤونه إحتياط ..
بسكوت .. شابورة .. حليب أو عصير .. خبز توست .. جبن ..شاهي .. وسكر ... وأشياء خفيفة يعني تتسلون فيها بالطريق ..
وأهم شيء الكاميرا رفيق السفر ..
موفقين
وربي يردكم بالسلامة
سالمين غانمين ...

شيكو ريكاتو
الف شكر على التوضيح وبانتظار ردود الاخرين لاتاخذ القرار

حياك اخي الكريم .. ومادام الرحله لام العيال ابشر بعزك
باختصار شديد اقترح عليك ان يكون برنامجك بعد التعديل كما يلي : يوم 29يونيو المغادره مباشرة الى اذربلي والبقاء ليله في رين فورست هذه المنطقه متعتها بالجلوس في شرفات الغرف والتمتع بمنظر الشلالات وبالتالي مارح تحتاج مجهود او نشاط وتنام وتقوم على كيفك والمكان امامك يعني تناسب يوم الوصول وصدقني ورح تتذكر كلامي جمال هذه البقعه رح ينسيك التعب كله
بعدها انتقل الى مونار 3 ليلات من 30-31-يونيو و1 يوليو في ماونتين كلوب كوخ بغرفتين
بعدها يومي 2-3 يوليو تيكدي قرين ودز
بعدها 4-5 يوليو كومراكوم ليله في كومركوم ليك ريزورت ولو ابقيت كوكونت لاقون فهو جميل جداا وهنا تاخذ الهاوس بوت من الصبح مع الغداء وترجع مع العصر
بعدها 5-6 يوليو كوفلام ليلا كيمبنسكي
يوم 7 -8يوليو البي بونامادا فيلا بمسبح او ليمون تري او ليك بالاس
يومي 9-10 يوليو كوتشين رمادا او ميريديان اذا لم يتوفر رمادا او تاج مالابار
والسعر لغرفتين مع السياره لمدة 13يوم وهو 13060 ثلاثة عشر الف ارى انه مناسب لكن حاول فيهم وتواصل مع غيرهم لتتاكد من ملائمة السعر او امكانية توفر البديل
دمت والجميع بخير

اقترح عليك ومن تجربة شخصية عدم الغاء فاركالا من جدولك لأن المسافة من كوفلام اقصى الجنوب
الى كوتشين تحتاج اكثر من 9 ساعات وهي مرهقة ومملة جدا .. وانا شخصيا مع مدة هذه الاجازة المحدودة
أميل الى الغاء الذهاب الى الجنوب (كوفلام) وان اركز رحلتي على مناطق وسط كيرلا كوتشي وألبي
وكيموراركوم وتكدي ومونار ومنطقة شلالات اثربللي ..تحياتي ..

munnar..
,والله صدق من سماك مميزة الهند
كفو وربي
جدول ولا اروع
بس ابي منك توضحين
بعدها 4-5 يوليو كومراكوم ليله في كومركوم ليك ريزورت بعدها ا وهنا تاخذ الهاوس بوت من الصبح مع الغداء وترجع مع العصر
بعدها 5-6 يوليو كوفلام ليلا كيمبنسكي
كم يوم في كومراكوم واذا انا ابي اخذ الهاوس بوت وارجع متى اروح كوفلام مو واضحه ليه
ثاني شي كم المسافه من كوفلام والبي وكم المسافه بين البي وكوتشن
والف شكر يارائعه

ارتكاز
الف شكر على النصيحه