مسيكم بالنور
قضينا من ميونخ وآيامها الحلوه
وللي ماشاف التقرير يخش بذا ويتمقل زين
https://artravelers.com/p/re/433449
وبدا الإستعداد للذهاب للديره اللي مابها عج وغبار
جنة الله في ارضه ايه يازيلامسي
طبعاً قبل الرحلة لازم الواحد يتقصى الأخبار ويعرف عن جو المكان اللي هو بيروح له والأماكن اللي تستحق الزيارة ، والله يخلي النت ويخلي المسافرون العرب بعد فيه اللي تبي طبعت لي كم ورقة فيها أسماء الاماكن اللي تستحق الزيارة ، دخلت على weather.com عشان اشوف الجو وضع الجو في زيلامسي
الموقع يعطيك توقعات لمدة ستة أيام ، شفت ان الجو اغلب الايام بين 10 و17 هذا في النهار بس في الليل توصل 6 درجات مئوية "مع أحلى الأماني"
جهزنا عفشنا وزينا الشناط وانا من النوع اللي يوسوس قبل ماطلع من مكان كني معرس يعني باختصار احس اني مدري وش السالفة ، ادور على الفوتشرات والجواز وانا داري انهم في شنطتي ، وطول الوقت احس اني ناسي شي بس مدري وشو
تآكدت إن كل شي بالسليم
حطينا عفشنا بالسياره وحطيت إحداثيات الفندق بزيلامسي
وقلنا دعاء السفر وتوكلنا على الله للنمسا
طبعاً اول ماتخش النمسا توقف عند اول محطه وتشتري استكر حق الطرق بقيمة 7 يورو لأسبوع
تلزقه بالقزاز وابد عقبها ماعليك في أطلق شنب
وهالحين اخليكم مع صور الطريق من ميونخ لزيلامسي
يتبع
وادور الجمارك لاحدود ولا تفتيش ولا شي
متى يصير عندنا كذا
والشمس طالعه ليت شمسنا مثلهم