يا هلا فيك يا اخوي
من ناحية المكاتب ما انصحك فيها مره
اشوف انك تعتمد على نفسك في حجز الفنادق
من وجهت نظري انك في فيينا تعتمد على الاندر قراوند واخر يوم فيها
تستاجر سياره وتخليها معاك لين اخر يوم في سويسرا وتسلمها وتروح على باريس بي القطار
التكلفه كل مكان الحجز بدري كل مكانت التكلفه منخفضه
يعني حاول تحجز طيران وفنادق من ذحين ويدوب
طبعا تعتمد التكلفه على خطوط الطيران الي راح تختاروها
ممكن تكلفك 30 الف
راح انصحك بي الفنادق بعد حجز الطيران حسب تاريخ سفركم
وبتوفيق تقديري لك

الله يتمم لكم هذه الرحلة
انا ارى ان تكون رحلتكم النمسا والمانيا وسويسرا واترك فرنسا لانها بعيدة ولاتستحق الزيارة
فينا
زلامسي
كونسانتس الالمانيه
انترلاكن
والعودة تكون من جنيف
قسم اكثر الايام بين زلامسي وانترلاكن
تكون معك سيارة اذا غادرت فينا وتسلمها بجنيف
على ان تكون 20 يوم
او فينا سالزبورغ زلامسي ميونخ 16يوم
الحجز عن طريق موقع بوكنج للفنادق
والطيران من اكسبيديا
واي خدمة الجميع هنا يسعى لتقديم المساعدة
ابومعن

الشبرقي
أنصحك بمتابعة مواضيع طرحتها أنا في منتدى فرنسا ومنتدى سويسرا ومنتدى النمسا
بنفس العنوان (( عائد من فرنسا وسويسرا والنمسا وتقريري لكم عبارة عن أسئلة وأجوبة ....))
راجع موضوعي اللي طرحته وراح تلاقي إجابات على كثير من أسئلتك وإذا احتجت أي معلومة غير موجود اسأل وان شاء الله نجاوبك
حياك الله
ورحلة سعيدة ان شاء الله

ممكن يكون برنامجك كالتالي
فينا - سالسبورق - كابرون - ميونخ - باريس
الذهاب الى فينا
والعوده من باريس
سويسرا والنمسا متشابهه انصحك تخليها على النمسا بالاضافه الى ميونخ وباريس
استلام السياره اخر يوم في فينا وتسليمها في ميونخ او سالسبورق
داخل فينا وميونخ وباريس
لاتحتاج الى سياره
تحياتي لك

حبايبي ..
أنا حصلت رحلة من الرياض إلى جنيف والعودة من باريس على جده ..
الاشكالية الحين في :
1/ كيف ترتيب الايام ..
2/ كيف يتم حجز السيارة ..
3/ التأشيرة .. يقولون يحتاج مبلغ في الحساب اخر 6 شهور .. تأمين ..... الخ .. هل كل هذا ضروري ..
وكم قيمة التأشيرة الواحدة والرخصة الدولية ..
من جد انا خايف ومتوتر على الآخر .. واحس اني باغير الوجهة الى الشرق ..
وسلامتكم ..

ياخوي لاتغير ولاشي خلك على اوربا
بالنسبه لفيزه يطلعونها لك المكاتب ب850 ريال
تحتاج تعريف من العمل وكشف حساب اخر ثلاثه اشهر
اهم شي يكون الرتب ينزل فيه ومو شرط يكون فيه رصيد
بالنسبه للبرنامج
الوصول الى مطار جنيف استلام السياره من المطار القسم السويسري
السكن في ديفون بجانب جنيف لانها ارخص وافضل
ومنها تزور انسي وشامونيه الفرنسيتين
بعدها تطلع الى انترلاكن
بعد انترلاكن زيورخ
وفيها تسلم السياره ومنها تطلع بالقطار الى باريس
حدد لي كم يوم عشان اوزعها لك
تحياتي لك

المسافر نت
الله يسعدك يا عسل والله .. اني محتار مره مره ..
لكن الوصول لجنيف في 18 اكتوبر والعودة من فرنسا في 3 نوفمبر .. 16 يوم ..
وزعها لي زي ما تشوف ..
0ايام في سويسرا
والباقي في فرنسا ..
:هل تشوف اني احجز الفنادق عن طريق البوكنق ..
: والسيارة كيف راح يكون وضع الحجز بالتفصيل .. والاستلام والتسليم
جعلني فدوة ..
وأنا بأعتمد على الله ثم عليك في هذي الرحلة ..
من السعودية إلى السعودية ..
والله يعينك عليه ..

ابشر بسعدك
وان شاء الله تكون رحله موفقه
البدايه زي ماقلنا الوصول الى جنيف
والسكن في ديفون 3 ليالي
انترلاكن 6 ليالي
زيورخ ليله
باريس 6 ليالي
رغم اني اشوف ست في باريس كثير ممكن تخليها خمس ليالي
وتضيف ليله الى انترلاكن
بالنسبه للسياره ادخل على موقع
ترفل جيغسو
وحدد الاستلام جنيف (المطار) والتسليم في زيورخ
وراح يعطيك انواع السيارات المتوفره واسعارها
طبعا تحجز من خلال الموقع او من الرقم المجاني لهم تكلمهم بالعربي طبعا
وتحدد لهم مكان التسليم والاستلام
بس بشرط يكون عندك فيزا او ماستر
السكن شوف الارخص لك سواء موقع بوكنق او مكتب سياحي
واي خدمه انا تحت امرك

بيض الله وجهك ..
طيب وش رايك ديفون 3 أيام..
انترلاكن 7 أيام
زيورخ 2 يوم
باريس 4 أيام ..
وش رايك كذا ..
وبعدين طلعتي من زيورخ الى باريس كيف تكون ..
تحياتي يا ملك ..