مرحباا
شخباركم
انا كان عندي حساب قديم بالمنتدى بس من زمان مادخلت
جيتكم من قبل يوم بسافر شهر العسل ورحت جزيره بالي (اندونيسيا) وماقصروا معاي الشباب والبنات يزاهم الله خير .. رحت واستانست ولله الحمد
وكان ودي انزل تقرير بس مافضيت ,, ع العموم مو وقت سوالف
الموضوع واضح من العنوان ..
زوجي قالي شرايج نسافر لشرق آسيا
وانا رحت بالي من سنه وشوي تقريباً وماودي بعد اعيد الزياره لآسيا بهالسرعه
تعرفون اسيا كلها طبيعه ومطر وجو معتدل وبحيرات وجذي ..
انا خاطري اشوف اوروباا ابي شي مختلف ومن يوم تزوجت وانا ببالي اوروبا بس قلنا شهر عسل نبي كل شي راقي والميزانيه بسيطه عندنا كانت ..
المهم انا بقولكم كل شي علشان تقريبا تتوقعون لي التكاليف وهل اقدر ازور اوروبا بهالمبلغ او لا ,,
اول شي انا بنت ماحب التسوق >> ادري ماتدخل العقل ههه
بس صج يعني انا احب اسافر استانس واشوف الناس والطبيعه واقعد في كوفي شوب وجذي مو فراره بالسوق الماركات انترست بديرتنا وملينا من السوق ..
ثاني شي السفره ان شاء الله بتكون لمدة اسبوع واحد فقط واذا صار ان نطولها مانقول لا لي 10 ايام ,,
عندي بنت صغيره ان شاء الله بسافر على شهر 9 او 10 يعني بعد الصيف علشان تذاكر الطيران تنزل والزحمه تقل وكل شي يهدأ ’’ بنتي بيكون عمرها 10 او 11 شهر ,,
هل اوروبا تصلح لبنت معاي صغيره لاني ماقدر اخليها واسافر عنها قلبي مايطاوعني ومابستانس ادري !!
المبلغ اللي عندنا مايطوف ال 15000 ريال سعودي (بدون تذاكر)
هل يكفي لزياره دوله اوروبيه ,, اي شي اي شي
لندن - نييورك - اليونان - استراليا - التشيك بما ان الكل يقول ارخص ,, إلخ
انا جيكت التذاكر بهالشهور على طيران الخليج تقريبا 2300 ريال للشخص
طبعاً وقتها الله العالم من التذاكر وعندي ولدت عمتي يمكن يطلعها لنا بسعر اقل ’’
التذاكر مو موضوعناا ,, اللي ابي اقوله المبلغ بالكامل 15000 ريال
يخص سكن عادي 3 نجوم او 4 المهم نظيف والشراشف كلها بيضااء لان تلوع جبدي لين اشوف ملونين ههه ..
الاكل بناكل عادي فاست فود واشياء خفيفه ومرتين ثلاث كوفي شوب احب هالقعده ,,
زياره للأماكن السياحيه والمتاحف وغيرها المشهوره في الديره اللي بزورها يعني تذاكر الدخول اقصد
المواصلات سواء تكاسي او ميترو او باص (السياره الخاصه ماندل شي وزوجي مايحب يجرب ويضيع ههه وبنفس الوقت مانبي نضيع الوقت) ’’
.
.
تقريباً هذي الاشياء اللي بنسويها ان شاء الله
هل تكفي 15000 ريال لمدة اسبوع على الاقل
.
.
انطر ردودكم ومع الدول المقترحه
+ الطقس في الديره اللي بروحها بشهر 9 او 10 لاتنسون
اذا ماعليكم أمرر
مع الف تحيه