وعليكم السلام ورحمة الله وبركاته ..
هلا والله .. الترتيب المبكر هو من أساس نجاح الرحلة ..
شو بالضبط حابب إنك تعرف علشان تقدر نساعدك ..!!
حاول تشوف الموضوع الي في توقيعي " الموسوعة الأوروبية " هذه الدول مذكورة خذ فكرة علشان تعرف تحدد وجهة سفرك بالضبط ..
وأي شي ثاني .. نحنا حاضرين ..

ما ادري إذا بغيت رايي خل عنك هالدول ..صحيح حلو الواحد يغير لكن هذا الكلام اول بسبب فروقات الاسعر لكن اوروبا الان تقريباً الأسعار وحدة في الصيف .
عندك أنا مثال رحت الصيف الماضي التشيك والنمسا والمانيا بحكم قربهم لكن الرحلة الاساسية كانت للتشيك سياحة طبعاً .. وكانت التشيك أسعارها مثل النمسا تمام ..والنمسا احلى منها بمراحل ومتطور اكثر والشعب ارقى وتتفوق على التشيك في كل شي وخاصة الطبيعة والنظافة .
ثق تماما ان هنغاريا اقل بكثيير من مستوى النمسا او المانيا وسمعت ان التشيك افضل من هنغاريا حتى في الطبيعة والترتيب , بلغاريا نصيحة عوائل لاتروح لأنهم مهملين جداً القسم الريفي او الجبلي وسمعت ان الفساد منتشر فيها بشكل كبير وهي افقر دول الاتحاد الاوروبي وماعندها الا المدن اللي على البحر الأسود هي اللي فيها كل شي الفنادق والترتيب والمطاعم بالعربي البنية التحتية السياحية في بلغاريا شواطئ فقط , لكن اذا ابتعدت عنها قل الآمان .
من بين الخيارات اشوف التشيك انسب وحدة وفيها مدن حلوة جداً وقريبة من النمسا والمانيا وهذي تقريباً ميزتها .