السلام عليكم ورحمة الله وبركاته ..
أخواني انا من كثر ما عورني راسي وابي اسافر شهر عسل ما بقى دولة أو مدينه ما دخلت عليها وشفتها .. والصراحه عن جد محتار وفجأه ومن غير مقدمات شفت تقرير عن استراليا وتحديدا في ( جولد كوست ) والصراحه انا احب الطبيعة والأماكن الترفيهيه ولغتي الانجليزيه شبه تمشي الحال ( يعني حق مطاعم وشوي ) وميزانيتي 30000 ريال شامله التذاكر .. وممكن ازودها بس الصراحه ما ودي لأن عندي قاعده لا تفضي حسابك وتتوهق.
وفي السفر ما اشتري من السوق الا الشي الملفت جدا جدا جدا وبس .
ومعلومه موعد سفري راح يكون بشهر سبتمبر وتحديدا افضل ان يكون في يوم 18 سبتبمر ..
واتمنى تنصحوني بالنسبه للميزانيه مع العلم ان التذاكر جداً غاليه وبالنسبه للفنادق المناسبه للميزانية .. وراح تكون مدة الرحله من 10 ايام إلى 13 يوم ..
وشكرا لكم