هلا فيك اخوي لا تحتار بس طبعا فرق بين تركيا والنمسا ... بس قبل لا نبدا
متى تبي اتسافر
وكم المده وانا بالانتظار اخوي
وسؤال خير اذا حاب تجمع مع النمسا دوله اخرى افضل اختيار بيكون المانيا

النمسا أروع دولة زرتها بحياتي الشعب طيب والاكل رائع والجو خيالي والطبيعة غير طبيعية ولو اوصفها بكامل وصفها راح أظلمها.
أنا أنصحك بالنمسا ولكن زي ماقال أخوي علي النمسا قريبة من المانيا ويجب تحديد الايام أولاً والوقت وانشاء راح نساعدك في عمل جدول مناسب للنمسا والمانيا.

Ali_Q8_77
رحال في اوروبا
اشكركم جزيل الشكر على اهتمامكم بالموضوع و رغبتكم الواضحة لمساعدتي ..
جزاكم الله الخير كله ..
بخصوص الوقت لم يحدد بالضبط اقصد اول ما اقتنع اشد اقتناع و يتم التخطيط جيداً بنسافر ..
اما بالنسبة للمدة اللي بنقضيها في السفرة ان شاء الله اسبوعين ...
و من نصايحكم ما عندي مانع بخصوص المانيا فقط ( للاسف المدة اللي بقضيها قصيرة لهالسبب لابد من النمسا و دولة اخرى فقط )
اهم شي ان يكون التخطيط للرحلة ناجح بعيداً عن نصب مكاتب السفريات ..
اتمنى لو يتم مقارنتها ب تركيا ..
اعتذر على الاطالة ..
و لكم جزيل الشكر ..

والله اخوي النمسا والمانيا يعتمد على الوقت الي بتزور في هاذي الدول ........ في الشتاء ما انصح
اما فرق السعر بين تركيا والنمسا يعتمد على السكن والتذاكر والمدن واشياء كثير اخوي انت حدد واحنا بالخدمه

اخوي السفرة ان شاء الله بتكون اواخر شهر سبعة الى منتصف شهر 8 ..
تقريباً خلال هالفترة ..
و هذي اول مرة لي افكر اسافر ل النمسا او تركيا .. ما جد زرتهم من قبل .. يعني الخبرة معدومة فيهم..
تركيا كان اقتراح اُخذ بعين الاعتبار .. النمسا رغبة مني ..
عشان جي ابي مقارنة من ناحية الجو .. الاسعار .. الاكل الحلال .. الامن ....... الخ
من ناحية الطبيعة و الاماكن الترفيهية ايهما افضل .. اسئلة كثيرة عيشتنا ف دوامة !!
جفت صور زيلامسي ابهرتني كثير .. لكن المانيا سمعت عن روعتها لكن ما عرفها عدل .. تركيا خبروني ان الجو حار و بعض المناطق غير امنة !!
و السموحة على الازعاج ..

مرحبا اخوي
انا زرت من زمان تركيا عاديه زي سوريا طبعا النمسا احلى واكثر امان لكن حصلت لي بعض المواقف من المخمور حسبي الله عليه الى الكلب اللي دخل في عبايتي وراح اذكرها باتقرير لما اكتبه ان شاء الله
انا اشوف ان السفر لازم يكون رفاهيه ودلع وجو ومطر واهم شي الوجه الحسن اغلب اللي يقابلونا مكشرين وانا ما احب اللي يعبسون ..هذا رائي

شكراً لك اختي وفاء لابداء رأيك .. و في انتظار التقرير

افضل وقت للسفر الى النمسا في شهر 8 (اغسطس)
طبعا مافي مقارنة ما بين النمسا وتركيا
انا زرت الاثنين النمسا افضل بكثير من ناحية الجو والحضارة والطبيعة الخلابة ونوعية السواح والفرق بينهم بسيط في المصاريف لان تركيا صارت تتعامل باليورو خاصة في اسطنبول
الاكل الحلال مليان في النمسا واغلب المطاعم العربية قائمة على اتراك
اقرب دولة من النمسا المانيا وسويسرا وسويسرا افضل من ناحية الطبيعة ولكن اذا حبيت التسوق والشراء فميونخ مخصصة في ذلك وتعتبر غالبا اخر محطة يتم الذهاب اليها من بين المدن النمساوية ويتم السفر الى بلدك
بالنسبة الى السفر بين الدول الاوربية فيعتبر اقتصادي بالقطار حسب بعد المكان الي بتروحه انا افتكر تكلفة القطار لشخصين (انا وزوجتي) من فيينا - سالزبورج -زي ام سي- ميونخ
كانت ب 1200 ريال سعودي بس انا سافرت من ميونخ الى باريس بالطيارة عن خطوط اير برلين الالمانية وكانت برضو رخيصة لاني حجزتها من بدري التذكرة ب 300 ريال
اسمع شورتي وروح النمسا وراح تدعيلي بعد ما رحتها راح لها 3 من اصحابي وعديلي ومره عجبيتهم واغلبهم اعتبرها بلدهم المفضل سياحيا
بالتوفيق واسف على الاطالة

احببت ان اشكر كل من سطر رحوفه هنا راجيا خدمتي و عسى ان يثقل الرحمن بها موازينكم ..
و اردت ان انوه بانه تم تأجيل السفر الى النمسا الى اجل غير مسمى و تغيير الوجهة الى اطهر بقاع الارض مكة المكرمة + المدينة المنورة ..
شكراً لكم للمرة الثانية