خلاص انا مسافر
13-11-2022 - 04:38 pm
السلام عليكم ورحمة الله وبركاته
كيفكم جميعاً
اتمنى انكم بخير دائماً
اخواني واخواتي انا احترت
اجازتي بعد شهر بالضبط من الان
ومادري وين اروح
مره اقول اندونيسيا
ومره اقول لبنان
ومره اقول سويسرا
ومره اقول اوكرانيا
ومره اقول البوسنه والهرسك
واحترت
لعل اللي شدني اكثر للبوسنه والهرسك انه فيه شخص هناك اعرفه عن طريق الفيس بوك
وبعض المواضيع هنا
واللي يخليني اتحمس للبوسنه والهرسك اكثر انها دوله نادره
اغلب الناس ما يفكرون فيها ك سياحه
ف ودي اروح شي جديد اشوف هالدوله
وخصوصاً ان اهلها مسلمين
انا طبعاً ما اعرف اي شي عن هالدوله
كل اللي اعرفه اني كنت اشوف زمان وانا صغير على التلفزيون الحروب والمشاكل فقط
معلوماتي عن هذه الدوله 100 تحت الصفر
وابي ناس خبره خبره خبره في هذه الدوله
تساؤلاتي كثير بصراحه
انا طبعاً اذا قررت اروح للبوسنه راح تكون مدة البقاء هناك 14 يوم تقريباً
والميزانيه تقريباً 15 الف ريال سعودي
ابغى معلومات عن عملة البوسنه والهرسك
وعن الفنادق والشوارع في العاصمه
والطبيعه في العاصمه وخارجها
والاهم من ذلك الامن هناك هل هي آمنه والواحد يقدر يمشي لحاله في الليل او فيها خوف وعصابات ؟؟
وهل يوجد هناك مثل ما نراه والله المستعان مراقص وبارات في الفنادق ام هذا الشيء ممنوع عندهم ؟
وكثير من الاستفسارات الشغفيّه التي تراودني
يا ليت الخبراء اللي قد زاروا هالدوله يعطوني معلومات تفصيليه
ودمتم بخير
تحياتي للجميع
اتركها لوقت ثاني وروح مكان مضمون ان شاء الله وتقبل مروري.