ساراالحلوة
حياك الله اختي
اول شغله لاتترددين عشان الانجليزي الامور سهالات ان شاءلله واهم شي تكون عندك بعض المصطلحات المهمه اللي تمشيك با المطار و الفندق و القطارات و المطاعم هذا يكفي
با النسبة للبرنامج اختي عليه ملاحظات كثيره خصوصا اني قبل سنه رايح شهر العسل سويسرا وفرنسا و النمسا وتقدرين تتطلعين على رحلتي في توقيعي وتستفيدين منها

• * في نظري الشخصي 18 ليله وثلاث دول صعبه شوي واذا كانت ميزانيتك تسمح تضيفين ليلتين اضافيتين او تخلينها دولتين فقط
• * في اعتقادي اللي يروح سويسرا ومايروح انترلاكن ماراح سويسرا وانتي فوتي اروع واحلى منطقه سويسريه ولازم تضيفينها حتى لو على حساب جنيف اللي مافيها شي يستاهل اصلا

اقتراح شخصي لستي مجبره به
فينا 3 ليالي
زيلامسي 4 ليالي
انترلاكن 5 ليالي
جنيف ليلتين
باريس 4 ليالي
المسافات با القطار
مابين فينا وزيلامسي 4 ساعات تقريبا وثلث مع تغيير قطار في سالزبورج او مدينة ثانية نسيت اسمها (لك حرية الخيار)
مابين زيلامسي وانترلاكن هنا العذاب المسافة 8 ساعات وربع مع تغيير قطارين في انسبروك النمساويه وزيورخ السويسريه
مابين انترلاكن وجنيف ساعتين ونص مع تغيير قطار في جنيف
من جنيف الى باريس 4 ساعات ونص قطار متواصل بدون تغيير

• * البرنامج اللي فوق تقدرين تبدين من باريس وتنتهين بفينا زي ماسويت برحلتي و اللي اعتقد انه افضل ولك حرية الخيار

الفنادق امرها سهل واذا صملتي على البرنامج نختار لك الفنادق اللي تطول وتطول في كل مدينة من 700 ريال الى 3000 ريال با الليله
الميزانية التقريبيه ل 18 ليله لشخصين مع متوسط فنادق 900 ريال با الليله ومصروف 150 يورو با اليوم تتراوح مابين 38 الف ريال الى 45 الف ريال تزيد او تنقص قليلا على حسب المواصلات (الارخص الاندرجراوند و الباصات) و الاكل (الارخص الفاست فوود زي ماكدونالدز وبرجر كنج و مطاعم الشاورما)
موفقين ان شاءالله

الف الف الف شكر على ردك الكريم اخي الفاضل حدي مصر ...
واتمنى ايضا ممن لدية الخبرة ان يعطينا رأية وتجاربة لأنني فعلا في مرحلة التخطيط وهي اهم مرحلة ...
وجزاكم الله عني كل الخير ...

مابعد مشورة اخونا الخبير حدي مصر شي ..
لكن عندي رأي .. زيلامسي وانترلاكن نفس الستايل .. ولافي فرق .. مع تفضيلي لزيلامسي لكثرة المناشط السياحية فيها ( لاتزعل علي خبيرنا ) ..
وهنا اقولك .. اضيفي سالزبورق على برنامج حدي مصر .. واختاري بين زيلامسي وانترلاكن ..
بالتوفيق ،،

سالزبورغ وانترلاكن الأفضل
و زيلامسي تكون مجرد زيارة يوم واحد فقط.> ايضا شهر عسل في نفس الدول الثلاث السابق ذكرها في صيف 2008.
أي معلومات ضرورية حنا بالخدمة.

انا ايضا ارشح زيلامسي على انتر لاكن ...
اشكر مروركم العطر ودمتم ...:smile105::

لكن عندي رأي .. زيلامسي وانترلاكن نفس الستايل .. ولافي فرق .. مع تفضيلي لزيلامسي لكثرة المناشط السياحية فيها ( لاتزعل علي خبيرنا ) ..
لو زعلت من المنتدى كله ما ازعل منك يابو عبدالاله حبيب و غالي على قلبي لولا الاذواق لبارت السلع
فيه نقطة للامانه بذكرها وهي قبل خمس ايام اجتمعت انا وحدود التسعه من الشباب كلهم راحو انترلاكن وزيلامسي وكان محور النقاش مين افضل انترلاكن اوزيلامسي
كانت الاجابات متباينه اللي جاو انترلاكن قبل زيلامسي عجبتهم انترلاكن افضل و اكثر من زيلامسي مثل محدثكم
و اللي ابتدو بزيلامسي بعدين انترلاكن عجبتهم زيلامسي اكثر
طبعا عجزت اعرف السر و الاكيد ان اغلب اللي ماعجبتهم زيلامسي كان للاسباب التاليه
1) صادف مرورهم جو حار جدا في زيلامسي ومنهم انا و الباقين صادفهم امطار وبرد وسعة صدر
2) خيارات زيلامسي في السكن جدا محدوده و الفنادق مستواها متواضع جميعا
3) القريه جدا صغيره ويتمركز فيها اخوانا الخليجين بشكل مخيف حتى انك تعتقد انك داخل جمعية حولي من كثر الشغالات و البزران وطبعا هذا الشي ياثر على اهل البلد من ناحية الاستغلال ومن ناحية سؤ المعامله
بس في نظري ان زيلامسي مختلفه كليا عن انترلاكن ولازم (اللي يقدر) يزور المدينتين وبينبسط فيهم ثنتينهم
موفقين ان شاءالله

مشكورين ..
طيب انا ودي ترشحون لي فنادق مناسبه من حيث السعر ونظيفة وموقعها ممتاز ..( على حسب جدولي ) ..

فينا الميرديان
زيلامسي السي فيلا او الجراند
انترلاكن المتروبول او كريبس
جنيف البريستول او الوارويك
باريس شاتو فرونتناك او باورز او فرانكلين روزفلت

• * في كل منطقه عندي اكثر من هذي الخيارات ويعتمد على مرأياتك وميزانيتك لان الفنادق كثيره...بعد ماتقررين البرنامج النهائي بحط لك الفنادق و الافضل ومميزاتها وعيوبها بعد

موفقه ان شاءالله

الله يسعدك ان شاء الله اخوي حدي مصر وييسر امرك ...
ياليت تحددلي الفنادق واسعارها وتوضح لي اذا كانت مطلة على بحر او بحيرة ومن هذا القبيل لاني والله محتاسه حدي وتحملني شوي لان اسئلتي كثيرة ميزانيتي للفنادق في حدود 900 لليلة وياليت لو القى اقل ...