السلام عليكم ... يعطيكم العافيه ياجماعه
تونا ردينا من تركيا
سافرنا ثلاث اسابيع احنا كنا اثنين
سفرتنا كانت من تاريخ 8-6 ... الى تاريخ 29-6
الاجمالي 21 يوم
اسطنبول 4 ايام (فندق sultan tughra) الاربع ليالي سعرها 320 يورو
مرمريس 6 ايام ( pandora apart) الست ليالي سعرها 135 يورو
بودروم منطقة قومبيت 2 يوم ( club vela hotel ) ليلتين سعرهم 50 يورو
الانيا 5 ايام ( kardelen apart ) الخمس ليالي سعرها 112.5 يورو
انطاليا 2 يوم ( blue star hotel ) ليلتين سعرهم 60 يورو
اسطنبول 2 يوم ( butterfly suites1) الليلتين سعرهم 130 يورو
والاسعار هذي كلها للغرفه الواحده ... احنا حجوزاتنا كلها كانت غرفتين ... غرفه لي وغرفه لصاحبي ... كل واحد يبي ياخذ راحته مانبي نزعج بعض
الحجوزات كلها كانت من موقع بوكنق
قعدنا يومين بس ببودروم وانطاليا لان رحنالهم من قبل .... وان شاء الله السنة الجايه
كوشاداسي واولودنيز
والله ياجماعة كلفتنا السفره كلها شخصين ثلاث اسابيع ... الشخص الواحد 1150 دينار كويتي
والله ياجماعه مع تذكرة الطيران الدولية وتذاكر الطيران الداخليه والسكن والاكل والمواصلات
والمقاهي والرحلات والسهرات
رحنا 3 رحلات بمرمريس " حمام الطين + سفاري + السباحه مع الدلافين "
سهرتين بمرمريس " كريزي ديسي + جوي "
سهرتين بآلانيا " لاتينو + هافانا "
سهرتين ببودروم " يخت كاتاماران + قومبيت "
والاكل في مطعم فخم على البحر لشخصين المقبلات مع الاطباق مع الحلو بعد الاكل تقريبا الحساب
من 90 الى 120 ليرة
ومطاعم الوجبات السريعه الاسكندر بعدها كنافه لشخصين الحساب من 40 الى 60 ليره
لفت نظري الشكاوي على تركيا انها غاليه بس يمكن لان الناس يروحون هناك عوائل كامله مع الاولاد
والخدامه .... الله يعين ارباب الاسر بصراحه
والسلام ختام