مشاعر غربة
09-01-2022 - 12:36 pm
السلام عليكم ورحمة الله وبركاته
بالنسبة لي من شروط المكان اللي اسافر له ( الخضرة والماء )
طبعا هذي تتوفر في تركيا وبالذات أوزنجول لما شفت صورها
لكن كل مااتذكر كيف رح تكون بالليل أشعر بالخوف
سؤالي وطمنوني الله يخليكم ولا تضحكون ترى الخوف ذابحني بالرغم من اني اسافر سنويا
ولا يرد قلبي الا لما أرجع من السفر و أشم هواالسعودية واقول ياحلو رطوبتك يالخبر
بعدها اضحك على نفسي وعلى خوفي اللي ماله داعي .
سؤالي /////////////
بالنسبة للسكن في البنسيونات هل هو آمن ........... فيه حد مسؤول عنا ؟؟؟؟ فيه استقبال ؟؟؟؟؟؟؟
هل بشوف خليجيين ولا ؟؟
على الاقل يرد قلبنا بشوفة اخواننا
انتظر اجابتكم ولا بلقي أوزنجول
الموتيلات فيها أمن ماتخفيش , موتيل إنان حيعجبكم , المديرة وموظفة الاستقبال ودودات جدا , وطقوها صداقة مع المدام
اوزنجول قريه صغيرة مافيه نشاطات ليلية , بعد العشاء في المطعم ماكو شي نوم
ومن بدري اصحو وافطروا وقابلوا النهر
تحياتي