اولا ما تشوف شر وعسى ربي يعدي ظروفكم على خير ان شاء الله ثانيا بصراحه اسبوعين كثيره جدا على برشلونه حتى اسبوع اعتبرها كثيره خصوصا لمن لا يرغب بالمدن الصاخبه وذات الطابع الليلي والتسوقي وبعدين ليش تستاجرون سياره في برشلونه ؟؟؟؟ انصحكم وبقوه بعد قضاء 4 ايام في برشلونه تنتقلون بالطيران الاقتصادي الى سويسرا او المانيا او النمساء دامكم تحبون الطبيعة ومن وجهة نظري تنطلقون الى زيورخ بواسطة طيران vueling ومن مطار زيورخ يتم استئجار سياره والسكن في ضواحي زيورخ او الانتقال مباشره الى انترلاكن التي تبعد ساعتين ومن انترلاكن الانتقال الى ضواحي جنيف ومن جنيف الانتقال بواسطة طيران easyjet الى برشلونه توزيع الايام يعود لظروفك ولكن يجب تخصيص اكبر قدر ممكن للسكن في انترلاكن خصوصا انكم من عشاق الطبيعة والهدوء وهناك جنة الله في ارضه تحياتي

daayem1ماقصرت الله يجزاك خير
ليش نستأجر سياره لان الاطفال معنا والعدد كبير فصعب علينا التنقل بوسائل النقل العامه /لكن بجرب الخطوط الي قلت عليها لان ايزي جت فقط تنزل في جنيف وانا ابي زيورخ //ودي استعجل لان حجز سياره ل7 اشخاص جدا صعب ونتعب مانحصل والسكن بعد في اقليم تون مرره مزحوم

طيب مدريد عندكم قريبه او جنوب اسبانيا !

اختي انا اتلكم عن استئجار السياره في برشلونه ؟؟؟ مهما كان عددكم فالسياره غير مجديه وراح تكون عاله عليكم بالمواقف وغيرها طبعا قلب برشلونه منطقة شارع الرامبلا والساحات المحيطه ولا يمكن الاستمتاع بها الا مشيا واذا معكم سياره راح تتلعوزون بايجاد مواقف وربما يكون الموقف ابعد من انكم تمشون من الفندق اما المناطق والمعالم السياحيه فهناك الباص السياحي اذا رغبتم واذا كنتم مخططين ان مشاويركم وزياراتكم للمعالم محدوده وفي نظركم حرام تاخذون باص سياحي يوم كامل وانتم ما راح تلفون جميع الاماكن فالتكسي ارحم بكثير من استئجار سياره بحيث تنقسمون في تكسيين والمشوار لن يتعدى 10 يورو للتكسي الواحد ولو فرضنا انكم طلعتوا 4 مشاوير بالكثير راح يكون المجموع 80 يورو وهذا ارخص واريح من استئجار سياره اما في الارياف والقرى فالسياره شيء ضروري تحياتي

شاكرة تفاعلكم اما بالنسبة للسيارة فعند زوجي ضرورية وفعلا ازعجتنا سالفة المواقف في برشلونه وفي ميلانو وخصوصا لما تكون فان ماتحصل مواقف تنزل فيها
لكن وجود اطفال يحكمنا عموما الان تقريبا غضيت النظر عن سالفة رحلة لخارج اسبانيا وقاعده افكر في مربيا ولا ملقا لكن سؤالي الي سبق زارهم ويعرف شمال اسبانيا وبرشلونه هل فيها فرق من ناحية الطبيعه والسواحل
واحتاج اعرف اماكن قريبه من برشلونه نطلع لها لو خمس ليال تغيير عن صخب المدينه فكرت بسانتدير سبق زرتها جميله وهاديه لكن لو ترشحون لي جديد افضل

ليه ما تحجزون تذاكر طيران الوصول إلى برشلونة والعودى من زيورخ أو جنيف ... توفرون بالتنقل و بالتذاكر
ممكن تدخلون فرنسا خاصة القريبة من حدود اسبانيا

التذاكر خلاص اخذناها ...................الانصرت افكر اجلس ليلتين او 3 في برشلونه واطلع لكن محتارة نروح سان سبستين ولا اقليم استرياس افلياس كانت عاجبتني لكن بعيده وابي اشوف عن بلباو وبنبلونه مادري كيف طبيعتها اميل اني اطلع عن برشلونه 9 ليالي وابي منطقة ريفية جميله ليت الي عنده خبره يفيدني بالنقطه هذي
عندي طلب ابي احد يساعدني نحجز water rafting بس ماعرفت وين اقرب مكان لبرشلونه احصل فيه ؟؟؟؟؟؟؟؟؟؟؟؟؟؟؟