r.r.a
وعليكم السلام .. توصل بالسلامه ان شاء الله ..
في واشنطن في مجموعه من المتاحف والبيت الابيض و الكونجرس .. اكثرها ثاريخية .. في شارع اسمه M وبالاضافه لمجمعات تجارية ..يومين حلو لواشنطن ..
اما في كاليفورينا ... بس حبيت اوضح شي اركنساس ولايه موجود في نص امريكا ما ادري لو في مدينه بنفس الاسم في كاليفورينا و سانت لويس هذي مدينه في ولايه Missouri نفس الشي في وسط امريكا.. يمكن كنت تقصد لوس انجلوس وسانتا مونيكا. لان لوس انجلوس من المدن الحلوه الي تستاهل الزيارة.
بالنسبة للمدن الي تبي تزورها في بمنتدى التقارير مجموعه من المواضيع لولايه كاليفورينا و مدينه لاس فيجاس. انصحك تقرها وتاخذ فكره و بعدها ترتب جدول رحلتك على حسب كل مدينة ..

هلا اخوي
مشكور
اي انا عارف مكان اركانساس حنا ان شاء الله بنستأجر سياره نتنقل فيها بكاليفورنيا و بنمر تكساس و اركانساس بعدها

اسمحولي على التدخل يا اخوان, بس حبيت استفسر عن المسافه من واشنطن الى كاليفورنيا بالطياره ؟؟

r.r.a
عفوا .. اسف انا فهمت الموضوع خطا .. لان كنت احسبك تبي تجلس في واشنطن وكاليفورينا فقط ..
اخوي قطري :
اسمحولي على التدخل يا اخوان, بس حبيت استفسر عن المسافه من واشنطن الى كاليفورنيا بالطياره ؟؟
تقريبا 5 ساعات وربع الى 6 ساعات الا خمس دقايق ..
يعتمد على الخطوط و نوع الطيارة ..

fms
لا عادي ما يحتاج تتأسف ..
هاه يا اخوان مافيه احد يقدر يفيدني بأماكن ؟

اووف =(
اسمحلي اخوي بس عندي استفسار ثاني ,,, مسئلة السفر من ولايه لي ولايه صعبه ولا لا ؟ من ناحية التفتيش وغيره
والحجوزات ممكن نلقى تذاكر الطيران قبل موعد السفر بايام معدوده ولا لازم قبلها بفتره طويله ؟؟
اسمحلي بس محتاج اعرف هالامور ضروري

Qatar_Nyc
السفر بين الولايات اسهل بكثر مقارنه بالاجراءات الي تصير عند الدخول الى امريكا ... تعاملك زي اي واحد امريكي ولكن في التفتيش يمكن يدقق شوي .. على حسب .. بس ما تاخذ وقت .. وانصحك تروح بدري للمطار قبلها على الاقل ساعتين علشان الزحمه خصوصا وقت الصيف.
بالنسبة للحجز تلاقي حجوزات في اغلب الاحيان خصوصا بين المدن الكبيره لان في رحلات كثيرة على خطوط مختلفه ولكن المشكله بالسعر .. في امريكا لمن تحجز بدري تطلع لك التذكره بسعر مغري .. احتمال يكون استثنى ولكن هذا اغلب شيء.. مثلا تذكره تلقاها ب 350 دولار ولكن قبل السفر توصل 600 او اكثر ..
و السعر يختلف بين يوم والثاني .. الي لاحظته ان في اغلب الاوقات اسعار ايام الجمعه و الاحد دايم اغلى من يوم السبت ..
و اسعار الرحلات الصبح بدري او الليل متاخره تكون ارخص من الي في الظهر و العصر .. طبعا مهوب دايم ..
انصحك تشيك على هالموقعين يسون مقارنه بالاسعار :
http://farecast.live.com/?
هذا يعطيك على الاسعار لمده 30 يوم فاتت او اكثر و يقترح عليك تشتري او تنتظر طبعا توقعات يمكن تصير ويمكن لا.
الموقع الثاني كياك ..
http://www.kayak.com
هذا الموقع يسوي مقارنه على الاسعار فقط ..

أفضل الأماكن للزيارة في لوس أنجلوس للعوائل :
Six Flags Magic Mountains
Universal Studios Hollywood
Disneyland Los Angeles
Third Street Promenade
Santa Monica Beach
Malibu Beach
Chinese Theater and Hollywood & Highland mall

أفضل أماكن التسوق في لوس أنجلوس وضواحيها:
South Coast Plaza
Spectrum
Beverly Center
Third Street Promenade
Grove Mall
Westfield Century City
Fashion Island (Newport Beach)